އާބާދީގެ %27 މީހުން ވެކްސިންގެ އެންމެ ޑޯޒްއެއްވެސް ފުރިހަމަނުކުރޭ – ޑރ ނަޒްލާ

ރާއްޖޭގައި ވެކްސިން ޖެހޭ އާބާދީގެ %27 މީހުން އަދިވެސް ވެކްސިންގެ އެންމެ ޑޯޒްއެއްވެސް ފުރިހަމަ ނުކުރާކަމަށް އެޗްއީއޯސީގެ ތަރުޖަމާނު ޑރ. ފާތިމަތު ނަޒްލާ ރަފީޤް ވިދާޅުވެއްޖެއެވެ.

ހެލްތު އިމަޖެންސީ އޮޕަރޭޝަން ސެންޓަރު (އެޗްއީއޯސީ) ގައި ބޭއްވި ނޫސްވެރިންގެ ބައްދަލުވުމުގައި އެ ސެންޓަރުގެ ތަރުޖަމާނު ޑރ. ނަޒްލާ ރަފީގު ވިދާޅުވީ، ވެކްސިން ޖެހޭ އުމުރުފުރާގެ މީހުންގެ ތެރެއިން 27 އިންސައްތަ މީހުން އެބަތިބި އަދިވެސް ރާއްޖޭގައި އެއްވެސް ޑޯޒެއް ނުޖަހައިކަމަށެވެ. މި އެންމެންނަށް އަންނަ މަހުގެ ތެރޭގައި ވެކްސިން ޖެހުމަކީ އެންމެން ގުޅިގެން ނޫނީ ނުކުރެވޭނެ ކަމެއްކަން ޑރ. ނަޒްލާ ފާހަގަކުރެއްވިއެވެ.

advertisement

ޑރ. ނަޒްލާ ވިދާޅުވީ، އާންމު ދިރިއުޅުމަކަށް ދެވޭނީ އާބާދީގެ ބޮޑު ބަޔަކަށް ވެކްސިން ޖެހިގެން ކަމަށެވެ. އެގޮތުން ވެކްސިން ޖެހުމަކީ ގައުމީ މަސައްކަތެއްގެ ގޮތުގައި ދެކެން ޖެހޭ ކަމަށް ވިދާޅުވި އެވެ. ރާއްޖޭގައި ވެކްސިން ޖެހޭ އުމުރުފުރާގެ 73 އިންސައްތަ މީހުން ވަނީ ވެކްސިންގެ ފުރަތަމަ ޑޯޒް ފުރިހަމަކޮށްފައެވެ. އަދި 59 އިންސައްތަ މީހުން ވަނީ ވެކްސިންގެ ދެ ޑޯޒް ފުރިހަމަކޮށްފައެވެ.