ޔުނައިޓެޑް ނޭޝަންސް ފުޑް ސިސްޓަމް ޕްރީ ސަމިޓްގައި މިނިސްޓަރ ޑރ. ހުސައިން ވާހަކަދައްކަވައިފި

ޔުނައިޓެޑް ނޭޝަންސް ފުޑް ސިސްޓަމް ޕްރީ ސަމިޓްގައި މިނިސްޓަރ ޑރ. ހުސައިން ރަޝީދު ހަސަން ބައިވެރިވެވަޑައިގަންނަވައިފިއެވެ.

މިނިސްޓްރީ އޮފް ފިޝަރީޒް މެރިން ރިސޯސަސް އެންޑް އެގްރިކަލްޗަރއިން ވިދާޅުވީ، މިނިސްޓަރުން ބައިވެރިވެވަޑައިގަންނަވާ ހައި ލެވެލް ޕްރީ ސަމިޓް އިވެންޓުގައި މިނިސްޓަރ ޑރ ހުސައިން ބައިވެރިވެވަޑައިގަންނަވާފައިވާކަމަށެވެ.

advertisement

މި ސަމިޓްގައި ވާހަކަދައްވަމުން މިނިސްޓަރ ޑރ. ހުސައިން ވަނީ ރާއްޖޭއާއި ގުޅޭގޮތުން ވާހަކަދައްކަވާފައެވެ. އެގޮތުން ކާނާގެ ޔަޤީންކަން ކަށަވަރުކުރުމުގައި އެންމެންގެ މެދުގައި ހަމަހަމަކަން ގެންގުޅޭކަމަށް މިނިސްޓަރ ވަނީ ވިދާޅުވެފައެވެ. އަދި މީގެއިތުރުންވެސް ކާނާގެ ޔަޤީންކަން ކަށަވަރުކުރުމަށް ވިޔަފާރިތަކަކީ ފައިދާ ލިބޭ ވިޔަފާރިތަކަކަށް ހެދުމަށްޓަކައި ފަސޭހައިން ލޯނު ލިބޭނެމަގު ފަހިކޮށްދެމުންދާކަން ވަނީ ފާހަގަކުރައްވާފައެވެ. އަދި މި ދާއިރާގައި އަންހެނުންގެ ބައިވެރިވުން އިތުރުކުރުމަށް މަސައްކަތްކުރައްވަމުން ގެންދަވާކަމަށް ވަނީ ވިދާޅުވެފައެވެ. މި ސަމިޓް ކުރިއަށްގެންގޮސްފައިވަނީ މިމަހުގެ 26 އިން 28 އަށެވެ.