ފުލުހުންގެ ބޭނުންކުރުމަށް 1400 ބޮޑީ ވޯން ކެމެރާ ހޯދަނީ

ފްރަންޓްލައިންގައި މަސައްކަތް ކުރާ ފުލުހުން ބޭނުންކުރުމަށް 1400 ބޮޑީ ވޯން ކެމެރާ ނުވަތަ ޔުނިފޯމުގައި ހަރުކުރާ ކެމެރާ ހޯދުމުގެ މަސައްކަތް ފަށައިފިއެވެ.

މިކަމަށްއެދި ބީލަން ހުށަހެޅުމުގެ ފުރުސަތު ފިނޭންސް މިނިސްޓްރީން މިހާރު ވަނީ ހުޅުވާލާފައެވެ. އެ މިނިސްޓްރީން ވިދާޅުވީ، މި މަސައްކަތަށް ޝަރުތު ހަމަވާ ފަރާތެއް ހޯދަނީ އިންޓަރނޭޝަނަލް ކޮމްޕެޓިޓިވް ބިޑިންގ، އައި.ސީ.ބީ އުސޫލުން ކަމަށެވެ.

advertisement

ބީލަމުގައި ބައިވެރިވުމަށް  1500 ރުފިޔާގެ ނޮން-ރިފަންޑަބަލް ރަޖިސްޓްރޭޝަން ފީއެއް ދައްކަންޖެހެއެވެ. އަދި މި ޕްރޮޖެކްޓުގެ ބިޑް ސެކިޔުރިޓީގެ ގޮތުގައި 390،000 ރުފިޔާ ހުށަހަޅަން ޖެހޭއިރު، ބިޑް ސެކިޔުރިޓީގެ މުއްދަތަކީ ބިޑް ހުޅުވާ ތާރީހުން ފެށިގެން 148 ދުވަހެވެ.

ބޯޑީ ވޯން ކެމެރާ ބޭނުންކުރުމުގެ ޓްރައަލްތަކެއް ނުވަތަ އަޖުމަ ބެލުމުގެ މަސައްކަތްތަކެއް މިދިޔަ އަހަރުގެ ކުރީކޮޅު ފުލުހުން ވަނީ ކޮށްފައެވެ. ބޮޑީ ވޯން ކެމެރާގެ ސަބަބުން ފޭރާމުގައި ހަރުކުރެވޭ ކެމެރާއާއެކު މިފަދަ ކަންކަމަށް ހައްލު ލިބިގެންދާނެކަމަށް ފުލުހުން ވަނީ ބުނެފައެވެ.