“ސައިކޮލޮޖިކަލް ފަސްޓް އެއިޑް” ތަމްރީންތަކެއް ރެޑްކްރެސެންޓުން ކުރިއަށްގެންދަނީ

“ސައިކޮލޮޖިކަލް ފަސްޓް އެއިޑް” ތަމްރީން ޕްރޮގްރާމްތަކެއް ފެށުމަށް ރެޑްކްރެސެންޓުން ތައްޔާރުވެއްޖެއެވެ. މޯލްޑިވިއަން ރެޑް ކްރެސެންޓުން މިހާރު ވަނީ މި ތަމްރީން ޕްރޮގްރާމްތަކުގައި ބައިވެރިވުމުގެ ފުރުސަތުވެސް ހުޅުވާލާފައެވެ.

ރެޑްކްރެސެންޓުން ކުރިއަށްގެންދާ “ސައިކޮލޮޖިކަލް ފަސްޓް އެއިޑް” ތަމްރީން ޕްރޮގްރާމްގައި ބައިވެރިވާން ބޭނުންވާ ފަރާތްތަކުން އޮގަސްޓް 3 ވަނަ ދުވަހުގެ މެންދުރުފަހު 2 ގެ ކުރިން މިކަމަށް އެދި ހުށައަޅަންޖެހެއެވެ.

advertisement

ރެޑްކްރެސެންޓުން ވިދާޅުވީ، “ސައިކޮލޮޖިކަލް ފަސްޓް އެއިޑް” ގެ މައުލޫމާތަކީ އެމަޖެންސީ ހާލަތްތަކުގައި އިނގުން މުހިންމު މައުލޫމާތެއްކަމަށެވެ. މި ތަމްރީން ކުރިއަށްދާނީ މިމަހުގެ 5 އިން 8 އަށެވެ. 5 ވަނަ ދުވަހު ތަމްރީން ކުރިއަށްދާނީ އޮންލައިންކޮށެވެ. އަދި 6 އިން 8 އަށް ތަމްރީން އޮންނާނީ ފިޒިކަލްކޮށެވެ.