ކޯޕަރޭޓް މޯލްޑިސްގެ “ގޯލްޑް 100 ގާލާ” އޮކްޓޯބަރ މަހު ބާއްވަނީ

ގޯލްޑް 100 ގާލާއަކީ ރާއްޖޭގެ ވިޔަފާރީގެ ދާއިރާގައި މަސައްކަތްކުރާ އެންމެ އިސްފަރާތްތައް ބައިވެރިވާ ނެޓްވޯކިންގ އިވެންޓެކެވެ. މި އިވެންޓުގައި ކުންފުނިތަކުގެ ޗެއަރމަނުންނާއި، މެނޭޖަރުންނާއި، ޑައިރެކްޓަރުންނާއި، ސީއީއޯއިން ކޮންމެ އަހަރަކުވެސް ބައިވެރިވެއެވެ. މިއީ ވިޔަފާރީގެ އިތުރު ފުރުސަތުތައް ފައިވެގެންދާ އިވެންޓެއްވެސް މެއެވެ.

ގޯލްޑް 100 ގާލާގެ 5 ވަނަ އެޑިޝަން ބޭއްވުމަށް ހަމަޖެހިފައިވަނީ އަންނަ އޮކްޓޯބަރ މަހުގެ 21 ވަނަ ދުވަހުއެވެ. މި އިވެންޓުގައި ގޯލްޑް100 އަށް ހޮވޭ ފަރާތްތަކަށް އެވޯޑްދިނުމާއި ގޯލްޑް100 މެގަޒިން ލޯންޗްކުރުން އޮންނާނެއެވެ.

advertisement

ގޯލްޑް 100 އަކީ ރާއްޖޭގެ ވިޔަފާރީގެ ދާއިރާގައި މަސައްކަތްކުރާ ކުންފުނިތަކުގެ ތެރެއިން އެންމެ ކުރިއަރާފައިވާ ކުންފުނިތައް ހޮވުމަށް އަހަރަކު އެއްފަހަރު ބާއްވާ އިވެންޓެކެވެ. މި ލިސްޓަށް ކުންފުނިތައް ހޮވަނީ ހާއްސަ ކޮންސަލްޓަންޓް ކޮމިޓީއަކުން ބެލުމަށްފަހުއެވެ. މި ލިސްޓު އާންމުކުރަނީ ވިޔަފާރިތައް ރޭންކް ކޮށްފައެއްނޫނެވެ. ނަމަވެސް ލިސްޓު އާންމުކުރަނީ އަލްފަބެޓިކް އޯޑަރުންނެވެ.

ރާއްޖޭގެ ވިޔަފާރިކުރާ ފަރާތްތައް ކްރައިޓީރިއާކޮށް މާކެޓްގައި އެންމެ ފުޅާދާއިރާއެއްގައި ވިޔަފާރިކުރާ 100 ކުންފުނި ހޮވުމަށް އެންމެ ފުރަތަމަ “ގޯލްޑް 100” ގެ ނަމުގައި އެވޯޑެއް ދޭންފެށީ 2017ވަނަ އަހަރުއެވެ.

އެންމެ ރަނގަޅު 100 ކުންފުނި ހޮވުމުގެ އިތުރުން ކޯޕަރޭޓް މޯލްޑިވްސް އިން ދަނީ ކޮންމެ އަހަރަކުވެސް ވިޔަފާރީގެ ދާއިރާއިން “ލައިފް ޓައިމް އެޗީވްމަންޓް އެވޯޑް” ވެސް ދެމުންނެވެ.