އޮލިމްޕަސް މަރާމާތުގެ މަސައްކަތް މިނިސްޓަރ ޔުމްނާ ބައްލަވާލައްވައިފި

އޮލިމްޕަސް މަރާމާތުގެ މަސައްކަތް މިނިސްޓަރ އޮފް އާރޓްސް ކަލްޗަރ އެންޑް ހެރިޓޭޖް ޔުމްނާ މައުމޫން ބައްލަވާލައްވައިފިއެވެ.

ކޯވިޑުގެ ޙާލަތާ ގުޅިގެން ބަންދުކޮށްފައިވާ އޮލިމްޕަސް އަލުން ހުޅުވުމުގެކުރިން އެތަނުގެ ޚިދުމަތްތައް ރަނގަޅުކޮށް ޢިމާރާތް މަރާމާތު ކުރުމުގެ މަސައްކަތް ދަނީ ކުރަމުންނެވެ. މިހާރު މަރާމާތުގެ މަސައްކަތް ކުރަމުން އަންނަ އޮލިމްޕަސް އަންނަ ސެޕްޓެމްބަރުމަހުގެ ތެރޭ އާއްމުންނަށް ފިލްމް ބެލަން ހުޅުވާލެވޭވަރުވާނެކަމަށް މިނިސްޓްރީ އޮފް އާޓްސް، ކަލްޗަރ އެންޑް ހެރިޓޭޖުން ވިދާޅުވެއްޖެއެވެ.

advertisement

އޮލިމްޕަސް މަރާމާތުކޮށް، އެތަނަށް ޒަމާނީ ބަދަލުތަކެއް ގެނައުމުގެ މަސައްކަތުގެ ތެރެއިން އޮލިމްޕަސް އިމާރާތުގެ އެތެރެއާއި ބޭރުންވެސް ބޮޑެތި ބަދަލުތަކެއް ފެނިގެންދާނެކަމަށް އެމިނިސްޓްރީން ވިދާޅުވެއެވެ.

އޮލިމްޕަހުން ޚިދުމަތް ލިބިގަންނަ އާއްމުންނަށް ފަސޭހަކުރުމަށްޓަކައި ޓިކެޓް ކައުންޓަރު ހުރި ސަރަޙައްދު އެހެން ތަނަކަށް ބަދަލުކޮށް، ވޯކްވޭއާއި ކެފޭ އޭރިއާވެސް ބޮޑުކުރުމުގެ މަސައްކަތް ދަނީ ކުރަމުންނެވެ.

ފިޔަވަހިތަކަކަށް ބަހާލައިގެން ކުރިއަށްގެންދާ މި މަޝްރޫޢު ދަށުން އޮލިމްޕަހުގެ ފްލޯރ ސްޕޭސްއަށް ބަދަލުތައް ގެނައުމުގެ އިތުރުން، ހޯލުގައި ލާފައިވާ ކުލަތަކަށްވެސް ބަދަލުގެނައުމަށް ވަނީ ނިންމާފައެވެ. އަދި މި މަޝްރޫޢުގެ ކުރިއަށްހުރި ފިޔަވަހިތަކުގެ ދަށުން، ސިނަމާގައި ބޭނުންކުރާ އިކުއިޕްމަންޓްތައް ޒަމާނީކޮށް އަޕްގްރޭޑްކުރުމާއި، ސައުންޑާއި ސްޕީކަރ ސިސްޓަމް ބަދަލުކުރުންފަދަ މަސައްކަތްތައް ކުރުމަށް ވަނީ ރާވާފައެވެ.