އެނބޫދޫ ފިނޮޅު ކައިރިން ރޭ ހިނގި އެކްސިޑެންޓް ފުލުހުން ތަހުޤީގުކުރަނީ

އެނބޫދޫ ފިނޮޅު ކައިރި ކަނޑުމަތިން ލޯންޗަކާއި ދޯންޏެއް ޖެހި އެކްސިޑެންޓެއް ހިނގައިފިއެވެ. މި ހާދިސާއާއި ގުޅިގެން އެމްއެންޑީއެފް މާލެ އޭރިއާ ކޯސްޓްގާޑް ސްކޮޑްރަންއިން ވަނީ ހަރަކާތްތެރިވެފައެވެ. މި އެކްސިޑެންޓް ހިނގާފައިވަނީ މާފުށިން މީހުން ގޮވައިގެން ދަތުރުކުރި ލޯންޗެއް ދޯންޏެއްގައި ޖެހިގެންނެވެ. މި ހާދިސާ ހިނގާފައިވަނީ ރޭ 20:41 ހާއިރުއެވެ. މި ހާދިސާގައި އެއްވެސް މީހަކަށް އަނިޔާއެއް ލިބިފައެއް ނުވެއެވެ.

މާފުށިން މީހުން ގޮވައިގެން އައި ލޯންޗް ޖެހި އެކްސިޑެންޓްވި ދޯންޏަކީ އެނބޫދޫ ފިނޮޅުގެ އިރުން 1 މޭލު ބޭރުގައި އޮތް ދޯންޏެކެވެ.

މި ހާދިސާ ހިނގުމުން ލޯންޗްގެ ވެރިފަރާތުން ވަނީ އެހެން ލޯންޗެއް އެ ސަރަހައްދަށް ގެންގޮސް ލޯންޗުގައި ދަތުރުކުރަމުންދިޔަ މީހުން މާލެ ގެނެސްފައެވެ. އެކްސިޑެންޓްވި ލޯންޗް މާލެ ގެނައީ މާލޭ އޭރިއާ ކޯސްޓްގާޑް ސްކޮޑްރަން ބެލުމުގެ ދަށުންނެވެ. މި ހާދިސާ ފުލުހުން ގެންދަނީ ތަހުޤީގުކުރަމުންނެވެ.