ޚަބަރު

އަންނަ މަހުގެ 1 އިން ފެށިގެން ވެކްސިން ނުޖަހާ މުވައްޒަފުން އޮފީހަށް އައުމުގެ ކުރިން ޕީސީއާރު ހަދަންޖެހޭނެ

14 އޯގަސްޓް 2021 - 11:41

ވެކްސިން ނުޖަހާ ސިވިލް ސަރވިސް މުއައްޒަފުންނަށް ސެޕްޓެމްބަރު އެކަކުން ފެށިގެން އޮފީހަށް ނިކުމެވޭނީ ޕީސީއާރް ޓެސްޓް ހަދައިން ކަމަށް ސިވިލް ސަރވިސް ކޮމިޝަނުން ހާމަކުރައްވައިފިއެވެ.

ސިވިލް ސަރވިސް ކޮމިޝަނުން ނެރެފަވާ ސަރކިއުލަރއެއްގައިވަނީ ވެކްސިން ނުޖަހާ ސިވިލް ސަރވިސްގެ މުއައްޒަފުން، އަންނަ ސެޕްޓެމްބަރު މަހުގެ އެއްވަނަ ދުވަހުން ފެށިގެން އޮފީހަށް ނިކުމެވޭނީ ޕީސީއާރް ޓެސްޓް ހަދައިގެން ކަމަށެވެ. އެގޮތުން ޑިރެކްޓަރ ޖެނެރަލް އޮފް ޕަބްލިކް ހެލްތު އަންގަވާފައިވާ ގޮތަށް ކޮންމެ 14 ދުވަހަކުން ޕީސީއާރް ޓެސްޓް ހަދަން ޖެހޭނެ ކަމަށެވެ.

advertisement

ވެކްސިން ފުރިހަމަ ނުކުރާ މީހުން ކޯވިޑަށް ޓެސްޓުކުރުމަށް އަންގާފައިވަނީ އޮފީސް މާޙައުލުގައި އަޅާ ރައްކާތެރިކަމުގެ ފިޔަވަޅެއްގެ ގޮތުންނެވެ. އެހެންކަމުން ސިވިލް ސަރވިސް މުއައްޒަފުންގެ ތެރެއިން ކޯވިޑް ވެކްސިން ނުޖަހާ މުވައްޒަފުން ވީހާވެސް އަވަހަށް ވެކްސިން ފުރިހަމަކުރުމަށް ސިވިލް ސަރވިސްއިންވަނީ އިލްތިމާސްކުރައްވާފައެވެ.

އެހެންކަމުން ވެކްސިން ޖަހާފައިނުވާ މުޢައްޒަފުން މިގޮތުގެމަތިން ޢަމަލުކުރުމަށާ، މުއައްޒަފުން މިގޮތަށް ޢަމަލުކުރަމުންދާކަން ސިވިލް ސަރވިސްގެ އިދާރާތަކުން ކަށަވަރު ކުރުމަށް ސިވިލް ސަރވިސް ކޮމިޝަނުން ނެރުނު ސަރކިއުލަރގައިވަނީ އަންގަވާފައެވެ.

ރިއެކްޝަންސް
0
0
0
0
0
0
0