އީޕީއޭ މިނިވަން ތަނަކަށް ހެދޭނީ ކޮންދުވަކަހުން؟

އެންވަޔަރުމެންޓް ޕްރޮޓެކްޝަން އޭޖެންސީ (އީޕީއޭ) އަކީ މިނިވަން ތަނަކަށް ވަރަށް އަވަހަށް ހައްދަވާނެ ކަމަށް ރައީސް އިބްރާހިމް މުހައްމަދު ސޯލިހް ވަނީ ވިދާޅުވެފައެވެ. އެއީ 2019 ވަނަ އަހަރުގެ ޖޫން މަހުގެ 13 ވަނަ ދުވަހުއެވެ.

ރައީސް އެއިރު މިހެން ވިދާޅުވެފައިވަނީ ރާއްޖޭގައި ތިމާވެއްޓާ ބެހޭ ވަޒީރުކަން ކުރެއްވި ބޭފުޅުންނާ އެކު އާޓް ގެލެރީގައި ބޭއްވި ވަށްމޭޒު ޖަލްސާއެއްގައި ވާހަކަދައްކަވަމުންނެވެ. ރައީސް އެދުވަހު ވިދާޅުވެފައިވަނީ މި ސަރުކާރުގެ އެންމެ މުހިންމު އަމާޒަކީ ތިމާވެށި ހިމާޔަތް ކުރުން ކަމަށެވެ. ހަމައެކަނި އެ މަސައްކަތަށް އެމަނިކުފާނުގެ ސަރުކާރުން ޚާއްސަ މިނިސްޓްރީއެއް އުފައްދާފައިވާއިރު، އެއީ ރާއްޖޭގެ ތާރީޚުގައި ވެސް އެފަދަ ކަމެއް ކުރި ފުރަތަމަ ފަހަރު ކަމަށް ރައީސް އެދުވަހު ވަނީ ވިދާޅުވެފައެވެ.

advertisement

2 އަހަރު ވެގެންދިޔައިރުވެސް މިކަމަށް އެންމެ އެކަށީގެންވާ ހައްލެއް ލިބިފައިނެތުމަކީ ކަންބޮޑުވެ ހިތާމަކުރަންޖެހޭކަމެކެވެ. ރައީސް އެދުވަހު އެ ވިދާޅުވި އީޕީއޭ މިނިވަން ތަނަކަށް ހެދުމަށް ވިދާޅުވި ވިދާޅުވުން ހަޤީގަތަކަށް ވާނީ ކޮން ދުވަހަކުން ބާވައެވެ.؟ ރާއްޖޭގެ ގިނަ ރަށްރަށް މިއަދު ގިނާ އާންމު ރައްޔިތުންގެ އެތަކެއް މުދަލަކަށް ދަނީ ގެއްލުން ލިބެމުންނެވެ. ނަމަވެސް އެންމެ އެކަށީގެންވާ ގޮތެއްގައި ރަށްރަށް ހިމާޔަތްކުރުމަށް ސަރުކާރުން މަސައްކަތްކުރާ ތަނެއް ފެނިގެނެއް ނުދެއެވެ. ތިމާވެށީގެ ގިނަ މައްސަލަތައް ރާއްޖޭގައި އެބަހުއްޓެވެ.

“ތާރީޚުގެ ތެރެއިން ތިމާވެށީގެ ވަޒީރުން” ގެ ނަމުގައި ބޭއްވި މި ޖަލްސާގައި ރައީސް އިބްރާހިމް މުހައްމަދު ސޯލިހު ވިދާޅުވި ގޮތުގައި، ތިމާވެށި ހިމާޔަތް ކުރުމަށް ސަރުކާރުން ކުރާނެ ކަންކަމުގެ ތެރެއިން އީޕީއޭ މިނިވަން ތަނަކަށް ހެދުމަށް ވަނީ ނިންމައިފަ އެވެ. އެ އޮތޯރިޓީ އަށް ގާނޫނީ ބާރުވެރިކަން ދީ، ވަރަށް އަވަހަށް އެކަން ކުރައްވާނެ ކަމަށް ވިދާޅުވި އެވެ.

ތިމާވެށި ހިމާޔަތް ކުރުމަށް ޓޫރިސްޓުންގެ އަތުން ނަގާ ގްރީން ޓެކްސް މީގެ ކުރިން ބޭނުން ކޮށްފައިވަނީ އެހެން ބޭނުންތަކަށް ކަމަށް އެދުވަހު ރައީސް އިބްރާހިމް މުހައްމަދު ސޯލިހު ވިދާޅުވި އެވެ. އެ އުސޫލު ބަދަލުކޮށް، މިސަރުކާރުން ގްރީން ޓެކްސްގެ ފައިސާ ބޭނުން ކުރަމުން އަންނަނީ ތިމާވެށި ހިމާޔަތް ކުރަން ކަމަށްވެސް އެމަނިކުފާނު ވަނީ ވިދާޅުވެފައެވެ.