މަސްތުވާތަކެތިން ސަލާމަތްވާން އުނދަގޫ އެހެނަސް ކުރެވިދާނެ ކަމެއް

މަސްތުވާތަކެތީގެ ވަބާގައި ޖެހިފައިވާ މީހުން މިއަދު އަޅުގަނޑުމެންގެ މި މުޖްތަމައުގައިވެސް ގިނައެވެ. ގިނަ މީހުން އެންމެ ފުރަތަމަ މަސްތުވާތަކެތި ބޭނުންކުރަނީ އޭގެ އަޖުމަ ބަލާލުމަށް މަޖަލަކަށެވެ.

ނަމަވެސް ގިނަދުވަސް ބޭނުންކުރާ ވަރަކަށް އެއާއިނުލާ ދިރިއުޅެން އުނދަގޫވާ ހާލަތައް ކަންތައްތައްދެއެވެ. މިކަން މިހެން ދިމާވަނީ މަސްތުވާތަކެތީގައި ހުންނަ އެއަށް ދެވިހިފާ މާއްދާގެ ސަބަބުން މީހާގެ ސިކުނޑި އެއަށް ހާނުވާލާތީއެވެ. އެހެންކަމުން މަޝްތުވާތަކެއްޗަށް ދެވިހިފުމަކީ ސިކުނޑީގެ ބައްޔެކެވެ.

advertisement

މަސްތުވާތަކެއްޗަށް ދެވިހިފާފައިވާ ކޮންމެ މީހަކީ އެމީހާގެ ސިކުނޑި މަސައްކަތްކުރާގޮތް ތަފާތު މީހެކެވެ. އޭގެ ތަފާތަކީ އެމީހަކު ބޭނުންކުރާ މަސްތުވާޔަކެއްޗެއްގެ ގޮތުން ތަފާތުވާކަމެކެވެ. މީގެތެރޭގައި އެމީހާގެ މޫޑު ބަދަލުވުމާއި، ހިނގާގޮތާއި ވާހަކަދައްކާގޮތް ބަދަލުވުން ފަދަ ކަންކަން ހިމެނެއެވެ. މަސްތުވާތަކެތި ބޭނުންކުރާ މީހާގެ ސިކުނޑިއަށް އަންނަ ބަދަލުތަކުގެ ސަބަބުން އެތަކެތި ހޯދުމަށް ކޮންމެ ފަދަ ކަމެއްވެސް ކޮށްފާނެއެވެ.

މަސްތުވާތަކެތީގެ ޝިކާރައަކަށްވެފައިވާ ގިނަ މީހުން މިކަމުން ސަލާމަތްވާ އެހީތެރިކަން ހޯދާކަށް ބޭނުމެއްނުވެއެވެ. ނަމަވެސް އެހީތެރިކަން ހޯދާ މީހުން އެކަން ކުރަނީ 2 ސަބަބަކާއި ހެދިއެވެ. އެއްސަބަބަކީ ކޯޓުން އަންނަ އޯޑަރުގެ ސަބަބުންނެވެ. އަނެއް ސަބަބަކީ އާއިލާއާއި ރަހުމަތްތެރިން އެކަމަށް ބާރުއެޅުމެވެ.

މަސްތުވާތަކެއްޗަށް ދެވިހިފުކަމީ އެކަން ބަލިތަކަށް ފަރުވާ ހޯދަންޖެހޭފަދައިން ފަރުވާ ހޯދަންޖެހޭ ކަމެކެވެ. ބައެއް މީހުން ފަރުވާ ހޯދާ ފުރަތަމަ ފަހަރުވެސް މިކަމުން ސަލާމަތްވެފައި އެބަތިއްބެވެ. ނަމަވެސް އަނެއްބައި މީހުންނަކީ ދެތިން ފަހަރުވެސް ފަރުވާ ބޭނުންވާ އަދި ރިހެބިލިޓޭޝަން ފެސިލިޓީތަކުގައި ގިނަދުވަސް ހޭދަކުރަންޖެހޭ މީހުންނެވެ. އެހެންކަމުން މިކަމުގައި ގިނަދުވަސް ނެގުމަކީ މައްސަލައެއް ނޫނެވެ. އެކި މީހުން އެޑިކްޓް ވެފައިވާނީ އެކި ބާވަތުގެ މަސްތުވާތަކެއްޗަށެވެ. ނަމަވެސް އެންމެ އިސްކަމެއްދޭންވީ މަސްތުވާތަކެތިން ދުރުވެ މިފަދަ ކަމަކަށް ފުރަތަމައިނުންވެސް ހުށަނޭޅޭނެފަދަ ގޮތަކަށް ތިމާވެ ދިރިއުޅުން ބައްޓަން ކުރާށެވެ. މިކަމަކީ ތިމާއާއި ތިމާގެ އާއިލާއާއި ގާތްމީހުންނަށް މީގެ ސަބަބުން އެތަކެއް ގެއްލުންތަކެއް ލިބޭނެ ކަމެކެވެ.