ބެލެނިވެރިން ކުއްޖާގެ ނަފްސާނީ ދުޅަހެޔޮކަމަށް އަހަންމިއްޔަތުކަން ދިނުން މުހިއްމު

ދަރިފުޅު ބޮޑުވެގެން އަންނައިރު އޭނާއަށް ދޭ ތަރުބިއްޔަތަކަކީ ވަރަށް މުހިންމު ރޯލެއް އަދާކުރާ އެއްޗެކެވެ. ދަރިފުޅުގެ މުޅި ދިރިއުޅުން ބިނާވެފައިވަނީ ކުޑައިރު އެކުއްޖާއަށް ދެވޭ ތަރުބިއްޔަތެއްގެ މައްޗަށެވެ. އެހެންކަމުން ޅައުމުރުގައި ދަރިފުޅަށް ރަނގަޅު ތަރުބިއްޔަތެއް ދިނުމަކީ ބެލެނިވެރިންގެ ޒިންމާއެކެވެ. މި ތަރުބިއްޔަތުގެ ސަބަބުން ކުއްޖާގެ ދިރިއުޅުމަށް ދިރިއުޅުމުގެ ކަންކަމަށް ކުރިމަތިލުމާއި، ވިސްނުމާއި އަދި މުޖްތަމައުގެ ތެރޭގައި އުޅުމަށް ދަސްވެގެންދެއެވެ.

ކުއްޖާއަށް ކުޑައިރުދޭ ތަރުބިއްޔަތާއި ބެލެނިވެރިއާ ކުއްޖާއަށްދޭ ސަޕޯޓްގެ ސަބަބުން “އިމޯޝަނަލް ވެލްބީން” އަށް މަގުފަހިވެގެންދެއެވެ. “އިމޯޝަނަލް ވެލްބީން” ގެ ސަބަބުން ކުއްޖާގެ ވާހަކަދެއްކުމާއި، އެހެންމީހުންނާއި އެކުގައި ގުޅިގެން އުޅެން ދަސްވެގެންދެއެވެ. ކުއްޖާ ބޮޑުވެގެންއަންނައިރު ކުއްޖާއަށް ދިމާވާ ކަންކަމަށް ކުރިމަތިލުމަށް މީގެ ސަބަބުން ފަސޭހަވެންދެއެވެ. ކުއްޖާ ބޮޑުވެގެން ދިމާވާ އެކިއެކި ކަންކަމާއި ކުރިމަތިލާން ނޭންގުމަކީ ވަރަށް ބޮޑު މައްސަލައެކެވެ. މީގެ ސަބަބުން ކިޔެވުމުގެ މައިދާނާއި ވަޒީފާގެ މައިދާނުގައިވެސް ގޮންޖެހުންތަކާއި ކުރިމަތިލާން ޖެހެއެވެ. އެހެންކަމުން ކުއްޖާގެ އެމޯޝަންތައް މެނޭޖްކުރާނެގޮތް ބެލެނިވެރިން ދަސްކޮށްދޭންޖެހެއެވެ.

advertisement

މިކަންކަން ދަރިފުޅަށް ދަސްކޮށްނުދޭނަމަ މުޖްތަމައުގެ ތެރޭގައި އުޅޭއިރު އެހެންމީހުންނާއި ވާހަކަދައްކާ، ރުޅި ކޮންޓްރޯލްކުރާކަށް ނޭންގޭނެއެވެ. މިކަންކަން ދަރިފުޅަށް ދަސްކޮށްދިނުމަށްޓަކައި ކުއްޖާ ދެނެގަނެ އޭނާގެ އިޙްސާސްތަކަކީ ކޮބައިކަން ބަލާ ހޯދަން ޖެހެއެވެ. އެގޮތުން ކުއްޖާގެ އެކިއެކި އިމޯޝަންސްތައް ބެހިފައިވަނީ ކޮންކޮން ކަންކަމަކަށްތޯ ބެލިދާނެއެވެ.

ދެވަނަ މަރުހަލާއަކީ މި އިމޯޝަންސް ދެނެގަތުމެވެ. އެއީ ރުޅިވެރިކަންތޯ ނުވަތަ ޕްރަސްޓްރޭޝަންތޯ ދެނެގަތުނެވެ. ނުވަތަ ކުއްޖާ ވަރުބަލިވެގެން އަންނަ އިމޯޝަންއެއްތޯ ދެނެގަތުމަކީ މުހިންމުކަމެކެވެ.
އެމޯޝަން ދެނެގަތުމަށްފަހު ބެލެނިވެރިޔާ އެއަށް ރިއެކްޓްކުރަންޖެހެއެވެ. އެކަން ރަނގަޅުވާނެކަމަށް ބުނެވިދާނެއެވެ. އަދި އެންމެ ފަހުގެ މަރުހަލާއަކީ ކަންކަން ކުރެވިދާނެގޮތް ދަރިފުޅަށް ބުނެދިނުމެވެ. ދަރިފުޅު ވަރުބަލިވެފައިވާނަމަ ކުޑަކޮށް އަރާމުކޮށްލުމަށް ބުނެވިދާނެއެވެ. ނުވަތަ ބްރީތިންގ އެކްސަސައިޒްއެއް ނަގަން ބުނެވިދާނެއެވެ.

ދަރިފުޅުގެ އިހްސާސްތައް ދެނެގަނެ ދަރިފުޅަށް މުހިންމު މީހަކަށްވެ ކުއްޖާގެ ވެލްބީންއަށް މިކަންކަމަކީ ބެލެނިވެރިޔާއަށް ކުރެވިދާނެ މުހިންމު ކަންކަމެވެ. މީގެ ސަބަބުން ދިރިއުޅުމުގެ ދަތުރުގައި ކުރިއަށްދިއުމަށް ދަރިފުޅަށް ފަސޭހަވެގެންދާނެއެވެ.