މިދިޔަ ހަފްތާއަކީ ކުޑަކުދިންނާއިގުޅޭ މައްސަލަތައް ގިނަ ހަފްތާއެއް

ނިމިދިޔަ ހަފްތާއަކީ ކުޑަކުދިންނާއި ގުޅޭ އެކިކަހަލަ އަނިޔާގެ މައްސަލަތައް ކަންބޮޑު ވާވަރަށް ފެންމަތިވެގެން ދިޔަ ހަފްތާއެކެވެ. އެގޮތުން15 އޮގަސްޓް ވީ އާދިއްތަ ދުވަހު ވެލިދޫގައި ކުޑަކުއްޖަކަށް، އެކުއްޖާގެ މަންމަ އަނިޔާކުރި މައްސަލަ ރިޕޯޓްކުރި ނަމަވެސް މިއަދާއި ހަމައަށްވެސް މިކަމާ ބެހޭ އިތުރު ފިޔަވަޅެއް އެޅިފައިނުވާކަމަށް ރައިޒް އަޕް އެމްވީއިން ބުނެއެވެ.

މީގެ އިތުރުން އަންހެން ފުލުހަކު އޭނަގެ 8 އަހަރުގެ ދަރިފުޅަށް އަނިޔާކުރި މައްސަލަ ތަހުޤީޤްކުރުމަށް ފުލުހުން ފެށިކަމުގައިވިއަސް މިމައްސަލައިގަވެސް ކަމާބެހޭ މުއައްސަސާތަކުން އެކަށީގެންވާ ފިޔަވަޅެއް އަޅައިފައިނުވާކަމާއި މައްސަލަ ސިއްރު ކުރުމަށް މަސައްކަތް ކުރަމުންދާ ކަމުގައި ވަނީ ފާހަގަކޮށްފައެވެ.

advertisement

އަދިވެސް މި މައްސަލައިގައި ޝާމިލުވާ ފަރާތްތަކާއި މެދުގައި ރެއާވެސް އިދާރީ ފިޔަވަޅެއްވެސް އެޅިފައި ނުވާކަން ލިބިފައިވާ މައުލޫމަތްތަކުން އިނގޭކަމަށް ވަނީ ބުނެފައެވެ. މި މައްސަލައިގައި ހިމެނޭ ކުއްޖާގެ ބަޔާންވެސް ފުލުހުން ނަގާފައިވަނީ އެ ކުއްޖާ އަށް އަނިޔާ ދިން ކަމަށް ތުހުމަތު އުފުލިފައިވާ ފުލުސް އޮފީހުގައި މަސައްކަތްކުރާ ކުއްޖާގެ މަންމަ އަދި ދޮން ބައްޕަގެ ބެލުމުގެ ދަށުގައިއެވެ. އަދި މައްސަލައިގެ ތުހުމަތު ކުރެވޭ ފުލުހުންގެ ދެ މީހުންގެ ބަޔާން ނަގާފައި ވަނީ އިންސާފަށް ހުރަސް އެޅޭނޭހެން އެއް މޭޒެއް ދޮށުގައި ބައިތިއްބައިގެން ކަމަށް މައުލޫމަތް ލިބިފައިވާކަމަށް ވަނީ ރައިޒް އަޕް އެމްވީއިން ބުނެފައެވެ.

17 އޮގަސްޓް ވަނަ ދުވަހު މާލޭގެއަކަށް ފިރިހެނަކުވަދެ ގޭގެ ދޮރު ވައްޓާލައި އަންހެނަކާއި އޭނާގެ ކުޑަ ކުދިންނަށް ހަމަލާދީ ބިރުދައްކައިފައިވާ މައްސަލައެއް ފެންމަތިވިއިރު، ފާހަގަ ކުރެވެނީ މިކަމާއިގުޅިގެން ޖެންޑަރ މިނިސްޓްރީންވެސް އަދި މޯލްޑިވްސް ޕޮލިސް ސަރވިސަސްއިންވެސް އެކަށީގެންވާ ފިޔަވަޅެއް އަޅައިފައި ނުވާކަން ބަޔާނުގައި ވަނީ ފާހަގަކޮށްފައެވެ. އަދި މައްސަލައިގައި ތުހުމަތު ކުރެވޭ މީހާ އަކީ މުޖުތަމައުގެ

ސަލާމަތަށް ހުރި ނުރައްކަލެއް ކަން އެނގި ހުރެ ފުލުހުން ވަނީ އޭނާ ހައްޔަރު ނުކޮށް ޤާނޫނީ އިންޒާރެއް ދިނުމަށް ފަހުގައި މުޖުތަމައުގެ ތެރެއަށް ދޫކޮށްލާފައިއެވެ.

ސްކޫލަށްދިނުމަކީ ކޮންމެ ކުއްޖެއްގެވެސް އަސާސީ ހަޙާޤަކަށްވާއިރު، އެކްސެލް ޙިންޓަނޭޝަނަލް ސްކޫލްއިން ކުޑަ ކުއްޖަކު މަޤުބޫލު އުޒުރެއް ނެތި ސްކޫލުން ވަކި ކުރުމުންވެސް، މިނިސްޓްރީ އޮފް އެޑިއުކޭޝަން އިން އެކަށީގެންވާ ފިޔަވަޅެއް ނާޅައި ހަނު ހުރުމުން ދޭހަވެގެންދަނީ މިކަމަށް ޒިންމާ ނަގަން ތިއްބެވި ވުޒާރާ ތަކުން ކުއްޖާ އަށް އިހުމާލުވެފައިވާ ކަމެވެ.

މީގެތެރެއިން ގިނަ މައްސަލަތަކަކީ ކުޑަކުދިންނާއި އަދި އަންހެނުންނާއި ގުޅުންހުރި ސީރިއަސް މައްސަލަތަކަށް ވާއިރު، ކުޑަކުދިންގެ އަދި އަންހެނުންގެ ހައްޤުތައް ހިމާޔަތް ކުރަން މަޤާމްތަކާއި ހަވާލުވެ ތިއްބެވި ބޭފުޅުން އެއްވެސް ބަހެއް ނުބުނެ، ހަނުހުރުން އަޅުގަނޑުމެން ހަރުކަށި އިބާރާތުން ކުއްވެރިކުރަމެވެ. މިނިސްޓްރީ އޮފް އެޑިއުކޭޝަން، މިނިސްޓްރީ އޮފް ޖެންޑަރ، ފެމިލީ އެންޑް ސޯޝަލް ސަރވިސް އަދި މޯލްޑިވްސް ޕޮލިސް ސަރވިސް އިން ގުޅިގެން ކުޑަކުދިންގެ މިފަދަ މައްސަލަތައް ތަހުޤީޤުކޮށް ފިޔަވަޅު އަޅަންޖެހޭ ފަރާތްތަކަށް
ވީހާވެސް އަވަހަށް ފިޔަވަޅު އެޅުމަށް ވަނީ ގޮވާލާފައެވެ.