ސަންސްކްރީން ލާންވީ ކޮންމެ ދުވަހަކު، ބީޗްއަށްދާން އެކަންޏެއް ނޫން

އިރުގެ އަވިން އަހަރެމެންގެ ހަޑިގަނޑަށް ފައިދާތަކެއް ކުރެއެވެ. އެގެތެރޭގައި ކަށިތައް ވަރުގަދަވުމާއި، ވިޓަމިން ޑީ ހަށިގަނޑަށް ލިބުމާއި ބްލަޑް ޕްރެޝަރ ރަނގަޅުވުން ހިމެނެއެވެ. ނަމަވެސް އަވީގައި މާގިނައިރު އުޅުމަކީ އޭގެ ސަބަބުން މީހާގެ ހަންގަނޑަށް ގެއްލުން ލިބޭ ކަމެކެވެ. އޭގެތެރޭގައި ހަންގަނޑަށް ކެންސަރުޖެހުމާއި، އަވަހަށް ހަންގަނޑު މުސްކުޅިވުން ހިމެނެއެވެ. ރާއްޖެއަކީ ޖަރީޒާ ޤައުމަކަށް ވުމުގެ ސަބަބުން ކޮންމެ ދުވަހަކުވެސް އުޅެންޖެހިފައިވަނީ އަވީގައެވެ.

އަވިން ސަލާމަތްވުމަށް މޫދަށް ދާ ދުވަސްތަކުގައި އަހަރެމެން ސަން ސްކްރީން ބޭނުންކުރަމެވެ. ނަމަވެސް އެހެން ހާލަތްތަކުގައި އަތްވައް ނިކުންނައިރު ގިނަ މީހުން ސަން ސްކްރީން ބޭނުންކުރާތަނެއް ނުފެނެއެވެ.

advertisement

ޑޮކްޓަރުން ބުނާގޮތުން އަތްވައް ނިކުންނަ ކޮންމެ ފަހަރަކު ސަން ސްކްރީން ބޭނުންކުރުމަކީ އެންމެ ރަނގަޅުގޮތެވެ. މީގެ ސަބަބަކީ އަތްވައް ނިކުންނަ ކޮންމެ ފަހަރަކު ޔޫވީ ރޭޑިއޭޝަނަށް މީހާ ހުށައެޅިގެންދާތީއެވެ. އަވި ނުދިންނަމަވެސް ވިލާތަކުންވެސް ޔޫވީ ރޭޑިއަންޓް ހަންގަނޑަށް ލިބޭނެއެވެ. އެހެންކަމުން އަވި ނުދިން ނަމަވެސް ސަން ސްކްރީން ބޭނުންކުރުކީ އެންމެ އެދެވިގެންވާ ގޮތެވެ.

ޑޮކްޓަރުން ބުނާގޮތުން ކޮންމެ ދުވަހަކުވެސް ސަން ސްކްރީން ބޭނުންކުރަންޖެހެއެވެ. ސަން ސްކްރީން ބޭނުންކުރިނަމަވެސް އަހަރެމެންގެ ހަށިގަނޑަށް އިރުގެ އަވީގެ %80 ވާސިލްވާނެއެވެ.