ޓީޓީއެމްގެ އެސޯސިއޭޓް ޕާޓްނަރަކަށް މޯލްޑިވްސް ބޯޑަރ މައިލްސް

ޓްރެވެލް ޓްރޭޑް މޯލްޑިވްސްގެ އެސޯސިއޭޓް ޕާޓްނަރަކަށް މޯލްޑިވްސް ބޯޑަރ މައިލްސް ސޮއެކޮށްފިއެވެ.

މޯލްޑިވްސް ބޯޑަރ މައިލްސް ޕްރޮގްރާމަކީ ކޯވިޑް19ގެ ބަލިމަޑުކަމާއެކު ދިވެހިރާއްޖޭގެ ބޯޑަރު ބަންދުކުރުމާއި ގުޅިގެން، ފަތުރުވެރިން ރާއްޖެއައުން ހުއްޓި، ޤައުމުގެ އިޤްތިޞާދަށް އައި ހީނަރުކަމުން އަރައިގަނެ، ރާއްޖޭގެ ފަތުރުވެރިކަން އާ ހަރުފަތަކަށް ގެންގޮސް، އިތުރަށް ކުރިއެރުވުމަށްޓަކައި މޯލްޑިވްސް އިމިގްރޭޝަންގެ އިސްނަގައިގެން ތައާރަފްކޮށްފައިވާ ޕްރޮގުރާމެކެވެ. މިއީ ދުނިޔޭގައި ވެސް މިފަދަ ޕްރޮގްރާމެއް ފެށި ފުރަތަމަ ފަހަރެވެ.

މި ޕްރޮގްރާމްގެ އެންމެ ބޮޑު ބޭނުމަކީ ތަކުރާރުކޮށް ރާއްޖެ އަންނަ ފަތުރުވެރިންގެ އަދަދު އިތުރުކޮށް އެއްފަހަރަށްވުރެ ގިނަފަހަރު ފަތުރުވެރިން ރާއްޖެ އައުމަށް ބާރުއެޅުމެވެ.

advertisement

މޯލްޑިވްސް ބޯޑަރ މައިލްސް ޕްރޮގްރާމް ބަހާލާފައިވަނީ 3 ކެޓަގަރީއަކަށެވެ. އެގޮތުން ބްރޮންޒް އަށް ދީފައިވާ ނަމަކީ “އައިދަ” އެވެ. ސިލްވަރ އަށް “އަންތަރަ” ކިޔާއިރު ގޯލްޑް އަށް ކިޔަނީ “އަބާރަނަ” އެވެ.

މޯލްޑިވްސް އިމިގްރޭޝަނުން ވިދާޅުވީ އައިދައަށް ދެވޭނީ 500 ޕޮއިންޓް ހޯދައިގެންކަމަށެވެ. އަންތަރާ އަށް ދިއުމަށް 2000 ޕޮއިންޓް ހޯދަންޖެހޭއިރު، އަބާރަނައަށް ދިއުމަށް ހޯދަންޖެހޭނީ 4000 ޕޮއިންޓެވެ. އަނަންތަރަ އަދި އަބާރަނަ އަށް އާދެވުމުން ފަތުރުވެރިންނަށް އިމިޤްރޭޝަންގެ ކައުންޓަރުތަކުގައި މަޑުކުރަންނުޖެހި ފަސޭހަކަމާއިއެކު އިމިޤްރޭޝަން ކްލިއަރެންސް ހެދޭނެއެވެ.

ޓީޓީއެމް ފެއަރއަކީ ރާއްޖޭގައި ބާއްވާ އެންމެ ބޮޑު ބައިނަލްއަގުވާމީ ޓްރެވަލް ޓްރޭޑު ޝޯއެވެ. މިއަހަރުގެ ޓީޓީއެމް ފެއަރ އޮންނާނީ ނޮވެމްބަރ މަހުގެ 28 އިން 30 އަށެވެ. މިއަހަރުގެ ޓީޓީއެމް ފެއަރގައި 300 އަށްވުރެ ގިނަ ހޮޓެލް ސަޕްލަޔަރުންނާއި، ދާއިރާގެ ތަޖުރިބާކާރުން ބައިވެރިވާނެއެވެ.