ރާއްޖެ ފަދަ ކުދި ޤައުމުތަކުގައި އިޔާދަ ކުރަނިވި ހަކަތަ ބޭނުންކުރުން ފައިދާ ބޮޑު

ކަރަންޓުގެ ޚިދުމަތަކީ ޒަރޫރީ ޚިދުމަތެކެވެ. ނަމަވެސް ދުނިޔޭގައި 840 މީހުން ކަރަންޓުގެ ޚިދުމަތް ނުލިބި އެބަ އުޅެއެވެ. ވޯލްޑް ބޭންކުގެ ތަފާސްހިސާބުތައް ދައްކާގޮތުން 2030 ވަނަ އަހަރު އަންނަން ވާއިރަށް އެފްރިކާގެ ސަރަހައްދުތަކުގައި ކަރަންޓު ނުލިބޭ މީހުންގެ އަދަދު 650 މިލިއަނަށް އަރާނެއެވެ.

ފަޤީރު އާބާދީތައް ދިރިއުޅޭ ސަރަހައްދުތަކަށް ކަރަންޓު ފޯރުކޮށްދިނުމަށް އިޔާދާ ކުރަނިވި ހަކަތައަކީ އެންމެ އެކަށީގެންވާ ގޮތެވެ. އިޔާދަކުރަނިވި ހަކަތައަކީ ކަރަންޓަށް ކުރާ ހޭދަކުޑަވެ ތިމާވެއްޓާއި ރަހުމަތްތެރި ގޮތެކެވެ. ޗައިނާގައި އިޔާދަކުރަނިވި ހަކަތައިގެ ސަބަބުން ބަނޑުހައިހޫނުކަމުގައި ދިރިއުޅެމުންދާ 800،000 އާއިލާއަކަށް ވަނީ ކަރަންޓު ފޯރުކޮށްދެވިފައެވެ.

advertisement

ދިރިއުޅުމުގެ ކަންކަން ހުންނަގޮތުން ރާއްޖޭގައިވެސް ގިނަ އާއިލާތަކަށް ވަނީ ކަރަންޓާއި ފެންފަދަ ބިލްތައް ދައްކަން ދަތިވެފައެވެ. ކޯވިޑް19 އާއިއެކު މާލީ ތަނަވަސްކަށް ދަށްވުމުން މިކަން އިތުރަށް ބޮޑުވެގެންދިޔައެވެ. އަދި ބިލްތައް ބޮޑުވާ ކަމުގެ ސަކުވާވެސް ގިނަ އާންމުން ވަނީ ކޮށްފައެވެ.

ސަރުކާރުން ވަނީ ބިލްތަކުން ސަބްސިޑީވެސް ދީފައެވެ. އެހެންކަމުން އިޔާދަކުރަނިވި ހަކަތައިން ކަރަންޓު ފޯރުކޮށްދިނުމަކީ ރާއްޖޭގައިވެސް ކުރެވިދާނެކަމެކެވެ. އަދި މި މަގަށް ދިއުމަށް މިހާރު ސްޓެލްކޯއިން އަންނަނީ މަސައްކަތްތަކެއްވެސް ކުރަމުންނެވެ. މިނިސްޓްރީ އޮފް އެންވަޔަރަމަންޓުން ކުރިއަށްގެންދާ “އެކްސެލެރޭޓިންގ ސަސްޓެއިނަބަލް ޕްރައިވެޓް އިންވެސްޓްމަންޓް އިން ރެނިއުބަލް އެނަރޖީ” (އެސްޕަޔަރ) މަޝްރޫޢުގެ ތެރެއިން، ހުޅުލެ-ހުޅުމާލެ ގުޅުވައިދޭ ލިންކް ރޯޑްގައި 5 މެގަވޮޓްގެ ސޯލަރ ޕީވީ ނިޒާމުގެ ޤާއިމުކުރުމަށް ވަނީ ހަމަޖެހިފައެވެ. މާލެ ސަރަހައްދުގެ އިތުރުން އަތޮޅުތެރޭގައިވެސް އަވިން ހަކަތަ އުފައްދާނެ ނިޒާމްތައް ޤާއިމްކުރާނެއެވެ.