ކޯޕަރޭޓް މޯލްޑިވްސްގެ ގޯލްޑް100 ގެ ގޯލްޑް ޕާޓްނަރެއްގެ ގޮތުގައި އެމްޓީސީސީ

ކޯޕަރޭޓް މޯލްޑިވްސްގެ ގޯލްޑް100 ގެ ގޯލްޑް ޕާޓްނަރެއްގެ ގޮތުގައި އެމްޓީސީސީ ހަމަޖައްސައިފިއެވެ.

އެމްޓީސީސީ އުފެދިފައިވަނީ  1980 ވަނަ އަހަރުއެވެ. އެމްޓީސީސީ އަކީ ރާއްޖޭގެ ގިނަދުވަސްވީ ސަރުކާރު ކުންފުންޏެވެ. މި ކުންފުނި އުފައްދާފައިވަނީ ދިވެހިންނަށް ދަތުރުފަތުރުގެ ޚިދުމަތާއި، އިންފްރާސްޓްރަކްޗަރގެ ޚިދުމަތްތައް ފޯރުކޮށްދިނުމުގެ ބޭނުމުގައެވެ. އެމްޓީސީސީގައި މުޅި ޖުމްލަ 2900 އަށްވުރެ ގިނަ މުވައްޒަފުން އަންނަނީ މަސައްކަތްކުރަމުންނެވެ.

advertisement

ކޯޕަރޭޓް މޯލްޑިވްސްގެ “ގޯލްޑް100” ގެ 5 ވަނަ އެޑިޝަން އޮންނާނީ އަންނަ މަހުގެ 21 ވަނަ ދުވަހުއެވެ. ގޯލްޑް 100 އެވޯޑަކީ ރާއްޖޭގެ ވިޔަފާރީގެ ދާއިރާގައި މަސައްކަތްކުރާ ކުންފުނިތަކުގެ ތެރެއިން އެންމެ ކުރިއަރާފައިވާ ކުންފުނިތައް ފާހަގަކުރުމަށްޓަކައި 2017 ވަނަ އަހަރުން ފެށިގެން ބާއްވާ އެވޯޑެކެވެ.

ގޯލްޑް100 އަކީ ރާއްޖޭގެ ފަތުރުވެރިކަމުގެ ސިނާއަތުގައި މަސައްކަތްކުރާ ފަރާތްތަކުން ބައްދަލުވެވޭ ބޮޑު ހަރަކާތެކެވެ. މި އިވެންޓްގައި ކުންފުނިތަކުގެ ޗެއަރމަނުންނާއި، އެމްޑީންނާއި، ސީއީއޯއިންނާއި، އެހެނިހެން އިސް ފަރާތްތަކުން ކޮންމެ އަހަރަކުވެސް ބައިވެރިވެއެވެ.