ގިނަ މީހުން ގަބޫލްކުރާ ގޮތުގައި އެމްޑީޕީގެ މައި ލީޑަރަކީ ރައީސް ޞާލިޙް: ދިރާސާ

އެމްޑީޕީގެ ލީޑަރޝިޕް ކަމާ ގުޅޭގޮތުން އާންމުންގެ ޚިޔާލު ހޯދުމަށް އެމްވީ ޕްލަސް ޕަބްލިކް އޮޕީނިއަންއިން ވަނީ ޙާއްސަ ޕޯލްއެއް ކުރިއަށްގެންގޮސްފައެވެ. މި ޕޯލްއިން ދައްކާގޮތުން ގިނަ ބަޔަކު ބުނެފައިވަނީ އެމްޑީޕީގެ މައި ލީޑަރަކީ މިހާރު ދިވެހި ރާއްޖޭގެ ރައީސް ކަމުގައި ހުންނެވި ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިހު ކަމުގައެވެ. މިގޮތައް ފެންނަކަމަށް ވޯޓުދީފައިވަނީ ވޯޓުގައި ބައިވެރިވި މީހުންގެ %54 އެވެ.

ބާކީ ހުރި މީހުން، އެއީ 46% މީހުން ވޯޓު ދެއްވާފައިވަނީ ވެރިކަންކުރާ ޕާޓީ، އެމްޑީޕީގެ ރައީސް އަދި ރައްޔިތުންގެ މަޖިލީހުގެ ރައީސް މުހައްމަދު ނަޝީދަށެވެ.

advertisement

ރައީސް ނަޝީދާއި ރައީސް ސާލިހްގެ ގުޅުން ހީނަރުވެފައިވާކަމަށާއި އަދި އެމްޑީޕީ ދެބައިވެފައިވާކަމަށް ގިނަ މީހުން ދެކެއެވެ. އެކަމާ ގުޅޭގޮތުން ނޫސްވެރިއަކު ކުރި ސުވާލަކަށް ޖަވާބު ދެއްވަމުން ރައީސް ސާލިހް  މިދިޔަ އޮގަސްޓް މަހު ވިދާޅުވީ، ސިޔާސީ ބައެއް ކަންކަމުގައި ރައީސް ނަޝީދާ ހިޔާލް ތަފާތުވާ ކަމަށެވެ.

އަދި، ރައީސް ނަޝީދު ވެރިކަމުގައި ހުންނެވި އިރު ނިންމެވި ބައެއް ނިންމެވުންތައް ކަމުނުދިޔުމުން އެމަނިކުފާނަށް ފެންނަ ގޮތް ހާމަ ކުރައްވާފައި ވާނެ ކަމަށާއި، ނަމަވެސް އެއީ މައްސަލައެއް ކަމަށް ދެކިވަޑައިނުގަންނަވާ ކަމަށެވެ.

ވެރިކަންކުރާ އެމްޑީޕީގެ ތެރޭގައި ބައިބައިވުން އުފެދި، ސިޔާސީ މަޝްރަހް މިހާރުވަނީ ހަލަބޮލިވެފައި އެވެ.