ވިހެއުމަށްފަހު ބައެއް އަންހެނުންނަށް ކުރިމަތިވާ ޕޯސްޓްޕާޓަމް ޑިޕްރެޝަންއަކީ ކޮބާ؟

ޕޯސްޓްޕާޓަމް ޑިޕްރެޝަން (ޕީޕީޑީ) އަކީ ވިހެއުމަށް ފަހު އަންހެނުންނަށް ކުރިމަތިވާ ފިޒިކަލް، އެމޯޝަނަލް އަދި ބިހޭވިއަރަލް ތަފާތުތަކެކެވެ. ރިސާޗްތަކުން ދައްކާގޮތުން ޕީޕީޑީއަކީ މޭޖަރ ޑިޕްރެޝަންއެކެވެ. މިކަން ދިމާވަނީ ވިހެއުމަށްފަހު 4 ހަފްތާ ފަހުންނެވެ.

ޕީޕީޑީ ގުޅިފައިވަނީ ވިހެއުމަށްފަހު އަންހެނާއަށް ދިމާވާ ކެމިކަލް، ސޯސިއަލް، ސައިކޮލޮޖިކަލް ތަފާތުތަކާއެވެ. މިކަމަށް ބޭސްބޭނުންކޮށްގެން ނުވަތަ ކައުންސިލިން ދީގެން ފަރުވާކުރެވިދާނެއެވެ.

advertisement

ޕީޕީޑީގެ ސަބަބުން އަންހެނާއަށް ކުރިމަތިލާންޖެހޭ ކެމިކަލް ތަފާތުތަކުގެ ތެރޭގައި ވިހެއުމަށްފަހު އަންނަ ހޯމޯނަލް ތަފާތުތައް ހިމެނެއެވެ. ކެމިކަލް ތަފާތުތަކުގެ އިތުރުން ވިހެއުމަށްފަހު އަންހެނާއަށް ދިމާވާ ސޯސިއަލް އަދި ސައިކޮލޮޖިކަލް ތަފާތުތަކުގެ ސަބަބުން ޑިޕްރެޝަންއަށް ދިއުމުގެ ފުރުސަތު އިތުރުވެއެވެ.

އަލަތު ދަރިފުޅު ލިބޭއިރު ޑިޕްރެޝަންގެ މައްސަލަތައް ދިމާވާ އަންހެނުންގެ އަދަދު އިތުރެވެ. ކޮންމެ 10 އަންހެނަކުން 1 އަންހެނަކަށް މިފަދަ މައްސަލަތައް ދިމާވެއެވެ.

ޕޯސްޓްޕާޓަމް ޑިޕްރެޝަން ދެނެގަންނާނީ ކިހިނެތް؟

މިބާވަތުގެ ޑިޕްރެޝަން ދެނެގަތުމަކީ އުނދަގޫކަމެކެވެ. ނަމަވެސް ބައެއް އަލާމާތްތައް ހިމެނެއެވެ. އޭގެތެރޭގައި:

• ނިދަން އުނދަގޫވުން
• މާބޮޑަށް ވަރުބަލިވުން
• ކާހިތްނުވުން
• އަވަސްއަވަހަށް މޫޑް ބަދަލުވުން
• ވިހެއުމަށްފަހު އަންހެނުންނަށް ދިމާވާ ޕޯސްޓްޕާޓަމް ޑިޕްރެޝަން ދެނެގަންނާނީ ކިހިނެތް؟
• ކުއްޖާއަށް ރަނގަޅު ގުޅުމެއް ނުއުފެދުން
• އެއްވެސް ސަބަބަކާ ނުލައި އަބަދު ރޮވުން
• ޑިޕްރެސްވެފައިހުރުން
• ރުޅިގަދަވުން
• މީހާގެ އެއްވެސް އަގެއްނެތްކަމަށް ނުވަތަ ބޭނުންނެތްކަމުގެ އިހްސާސްކުރެވުން
• އަމިއްލަ ނަފްސަށް ގެއްލުންދިނުމުގެ ވިސްނުންއައުން
• އެހެން މީހަކަށް ގެއްލުން ދިނުމުގެ ވިސްނުން އައުން
• ކަންކަން ނިންމުމުގައި އުނދަގޫވުން

ޕޯސްޓްޕާޓަމް ޑިޕްރެޝަން ހުންނަ މީހުންނަށް ފަރުވާދޭންޖެހޭނީ އެކިމީހުންނަށް އެކިގޮތްގޮތަށެވެ. އަލާމާތްތަކަށް ބެލުމަށް ފަހުގައެވެ. މީގެތެރޭގައި އެންޓި-ޑިޕްރެޝަން ބޭސްދެވިދާނެއެވެ. ނުވަތަ ސައިކޮލޮޖިކަލް ތެރަޕީ ދެވިދާނެއެވެ. ކުޑަދަރިފުޅަށް ގާތުންދޭނަމަ ބޭސްނެގުމަކީ އެދެވިގެންވާގޮތެއްނޫނެވެ. ނަމަވެސް ޑޮކްޓަރުގެ އިރުޝާދާއިއެކު ގާތުންދޭ މީހުންނަ    ށްވެސް ބޭސް ބޭނުންކުރެވިދާނެއެވެ. ނަމަވެސް މިފަދަ ކަމެއް ކުރަންވާނީ ޑޮކްޓަރުގެ އިރުޝާދާއި މަޝްވަރާގެ މަތިންނެވެ.