ނިދަން އުނދަގޫވަނީ ކުޅި އެއްޗެހި ކެއުމާއި ކެފެއިންގެ ބާވަތްތައް ބޭނުން ކުރުމުން

ނިދަން އެނދުމައްޗަށް އަރާ އެތަކެއް އިރެއްވާއިރުވެސް ނުނިދުމަކީ ގިނަ މީހުންނަށް ދިމާވާ މައްސަލައެކެވެ. ނިދަން އުޅެއުޅެ ވަރުބަލިވެ ރުޅިގަދަވާއިރުވެސް ނުނިދޭ ފަހަރު އާދެއެވެ.

ދިރިއުޅުމުގައި ގެންގުޅެވޭ ބައެއް އާދަތަކާއި އަދި ކެވޭ އެއްޗެއްގެ ސަބަބުންވެސް ނިދަން އުނދަގޫވެދާނެއެވެ. ހަމައެގޮތައް ބައެއް ކާތަކެތީގެ ސަބަބުން ނިދަން ފަސޭހަވެސް ކޮށްދެއެވެ.

advertisement

ސިމްބާ ސްލީޕް އިން ކުރި ދިރާސާއެއްގައި ބުނެފައިވަނީ 69 އިންސައްތަ މީހުންނަށް ނުނިދެނީ ކުޅި އެއްޗެހި ކެއުމާއި އަދި ކެފެއިންގެ ބާވަތްތައް ބޭނުން ކުރުމުގެ ސަބަބުންކަމަށެވެ. ނިދަން އުނދަގޫވުމުގެ މައްސަލަ ހައްލުކުރުމަށް ބައެއް ބާވަތްތައް ނިދުމުގެ ކުރިން ކެވިދާނެއެވެ. އޭގެތެރޭގައި ނިދުމުގެ ކުރިން ދޮންކެޔޮވަކެއް ކާލެވިދާނެއެވެ. ނިދުމުގެ ކުރިން ދޮންކެޔޮވަކެއް ކާލުމުން މެލޮޓޮނިން އާ ސެރެޓޮނިން މާއްދާ ހަށިގަނޑަށް ލިއްބައިދެއެވެ. މީގެސަބަބުން މީހާ އަށް ނިދީގެ އަސަރު ފޯރުކޮށްދެއެވެ.

ދޮންކެޔޮލުގެ އިތުރުން އަލްމަންޑް އަކީ ވެސް ރަނގަޅަށް ނިދާލުމަށްޓަކައި ކާލެވިދާނެ އެއް ބާވަތެވެ. އަލްމަންޑް ކެއުމުގެ ސަބަބުން ނާރުތަކުގެ ލޭ ހިނގުމުން ފަސޭހަވެ ހަށިގަނޑަށް އަރާމު ލިބިގެންދެއެވެ. މީގެއިތުރުން ނިދުމުގެ ކުރިން މޭޒުމަތީ ސަމުސާގެ މާމުއި ބޭނުން ކުރުމަކީ ވެސް އަވަހަށް ނިދޭނެ ކަމެކެވެ. މާމުއި ބޭނުން ކުރުމުން ސިކުނޑީގައި ހުންނަ ބޭކާރު މާއްދާތައް މަދުކޮށްދެއެވެ.