ޕެރިސް އެގްރީމެންޓަކީ ކޮބާ؟

ޕެރިސް އެގްރިމަންޓަކީ ޖައްވަށް ދޫކުރާ ވިހަ ގޭސް މަދުކުރުމުގެ އެއްބަސްވުމެކެވެ. މިއީ 2015 ވަނަ އަހަރު އެކުލަވާލާފައިވާ އެއްބަސްވުމެކެވެ. މި އެއްބަސްވުމުގެ ދަށުން ދުނިޔެ ހޫނުވާ މައްސަލަ ހައްލުކުރުމަށް ޤައުމުތަކުން ޖައްވަށް ދޫކުރާ ވިހަ މާއްދާތައް މަދުކުރާނެއެވެ.

ޕެރިސް އެގްރިމެންޓަކީ ދުނިޔޭގެ ޖައްވަށް ދޫކުރާ ވިހަ ގޭހުގެ މިންވަރު މަދުކޮށް، ދުނިޔޭގެ ފިނިހޫނުމިން ދެ ޑިގްރީ ސެލްސިއަސްއަށްވުރެ މަތިނުވާނެ މިންވަރެއްގައި ބެހެއްޓުމަށް ގައުމުތަކުން އެކުލަވާލާފައިވާ މުހިންމު އެއްބަސްވުމެކެވެ.

advertisement

2015 ވަނަ އަހަރު ޕެރިސް އެގްރިމަންޓް އެކުލަވާލިފަހުން މިހާތަނަށް 197 ގައުމަކުން ވަނީ ޕެރިސް އެގްރިމަންޓްގައި ބައިވެރިވެފައެވެ. ދުނިޔޭގެ ގާތްގަނޑަކަށް ހުރިހައި ސަރަހައްދަކުން މިހާރު ވަނީ ޕެރިސް އެގްރިމަންޓްގައި ބައިވެރިވެފައެވެ. މީގެތެރެއިން 190 ގައުމަކުން މިހާރު ވަނީ މި އެއްބަސްވުމުގައި ބައިވެރިވުމުގެ ފޯމަލް އެޕްރޫވަލް ލިބިފައެވެ. ބައެއް ގައުމުތަކުން އެއްބަސްވުމުގައި ބައިވެރިވުމަށް ފުރިހަމަކުރަންޖެހޭ ބައެއް ކަންކަން އެބަހުއްޓެވެ. އެ ގައުމުތަކުގެ ތެރޭގައި އިރާން، ތުރުކީ، އީރާގް ހިމެނެއެވެ.

ދުނިޔޭގެ ކުދި ގައުމުތަކުގެ ޗެއާ ގެ ހައިސިއްޔަތުން ޕެރިސް އެގްރިމެންޓަކީ ކުދި ޖަޒީރާ ގައުމުތަކުގެ ސަލާމަތާއި ރައްކާތެރިކަމަށް ކޮންމެހެން ބޭނުންވާ އެގްރިމެންޓެއްކަމަށް ވަކާލާތުކޮށް އެ އެއްބަސްވުން ކާމިޔާބު ކުރާ އެއްޗަކަށް ހެދުމަށް ރާއްޖެއިން ވަރަށް ބޮޑު މަސައްކަތްތަކެއް ކުރެއެވެ. ޕެރިސް އެއްބަސްވުމުގައި ރާއްޖެއިން 2016 ވަނަ އަހަރު ވަނީ ސޮއިކޮށްފައެވެ.