ހިޔާ ފްލެޓްތައް ފަސޭހައިން، އަގުހެޔޮކޮށް ރައްކާތެރި ކުރެވޭނެ ޕްލޭނެއް އެލައިޑް އިސްލާމިކް ވިންޑޯއިން ތައާރަފުކޮށްފި

އެލައިޑް އިންޝުއަރަންސް ކުންފުނީގެ އިސްލާމިކް ވިންޑޯ އަޔާދީ ތަކާފުލްއިން ހިޔާ މަޝްރޫއުގެ ފްލެޓްތައް ލިބުން ފަރާތްތަކަށް ހާއްސަކޮށްގެން އާ ޕެކޭޖެއް ތައާރަފުކޮށްފިއެވެ. އެލައިޑުގެ މައި އޮފީހުގައި އިއްޔަ ބޭއްވި ނޫސްވެރިންގެ ބައްދަލުވުމެއްގައި މިޕެކޭޖު އިއުލާންކޮށްދެއްވީ އެލައިޑް އިންޝުއަރަންސްގެ ޖެނެރަލް މެނޭޖަރ އިބްރާހިމް ފިރުޝާން އާއި އަޔާދީ ތަކާފުލްގެ އެސިސްޓަންޓް މެނޭޖަރ ފަރީދާ ސިއްތިއެވެ.

“އަހަރެންގެ ހިޔާ”ގެ ނަމުގައި ތައާރަފު ކޮށްފައިވާ މިޕެކޭޖުން ރައްކާތެރިކޮށްދެނީ ގޭތެރޭގައި ހިފާގެންގުޅޭ ސާމާނާއި ފަރުނީޗަރު ފަދަ އެހެނިހެން އަގުބޮޑު ތަކެއްޗެވެ. ޕެކޭޖުގައި 3 ބާވަތެއްގެ ޕްލޭނެއް ހިމެނޭއިރު، މިއިން ކޮންމެ ޕްލޭނަކުންވެސް ގޭތެރޭގައިވާ ތަކެއްޗަށް ގެއްލުން ލިބިދާނެ އެތަކެއް ހާލަތަށް ބަދަލު ހޯދައިދެއެވެ. އެގޮތުން އަލިފާނުގެ ހާދިސާތަކާއި، ވައްކަން އަދި ގުދުރަތީ ކާރިސާތަކުން ގޭތެރޭގައިވާ ތަކެއްޗަށް ލިބޭ ގެއްލުމުގެ އިތުރުން އެހެނިހެން ހާލަތްތަކަށްވެސް “އަހަރެންގެ ހިޔާ”ގެ ޕްލޭންތަކުން ރައްކާތެރިކަން ފޯރުކޮށްދެއެވެ.

advertisement

ނޫސްވެރިންގެ ބައްދަލުވުމުގައި ވާހަކަ ދައްކަވަމުން އެލައިޑް ޖެނެރަލް މެނޭޖަރ ފިރުޝާން ވިދާޅުވީ އަޔާދީއިން މިޕްލޭން ތައްޔާރުކޮށްފައިވަނީ ހެޔޮ އަގެއްގައި ފަސޭހައިން ހޯދޭ ރައްކާތެރިކަމެއް އެކުލަވާލުމުގެ ނިޔަތުގައެވެ. އެގޮތުން އަހަރަކަށް އެންމެ 200 ރުފިޔާ ދައްކާލައިގެން ނެގޭ “އަހަރެންގެ ހިޔާ”ގެ ބޭސިކް ޕްލޭނުން އެކަނިވެސް 150،000 ރުފިޔާއާއި ހަމަޔަށް ރައްކާތެރިކަން ޔަގީންކުރެވެއެވެ. އެހެންކަމުން، ބޮޑު ހަރަދުކޮށްގެން ހިޔާ ފްލެޓްގެ ފިނިޝިންގ މަސައްކަތްތައް ނިންމުމަށްފަހު ފްލެޓަށް ވަންނައިރު، ކުރިމަތިވެދާނެ މާލީ ގެއްލުމަކުން ރައްކާތެރިވުމަށް މިފަދަ ރައްކާތެރިކަމެއް އޮތުން މުހިންމުކަމުގައި ފިރުޝާން ފާހަގަ ކުރެއްވިއެވެ.

ނޫސްވެރިންގެ ބައްދަލުވުމުގައި ވާހަކަ ދައްކަވަމުން އަޔާދީގެ އެސިސްޓަންޓް މެނޭޖަރ ފަރީދާ ވިދާޅުވީ، ހިޔާ ފްލެޓްތައް ލިބިލެއްވި ފަރާތްތަަކަށް މަރުހަބާ ދަންނަވާ ކަމަށާއި ހުރިހާ ބޭފުޅުންވެސް “އަހަރެންގެ ހިޔާ”ގެ އެބޭފުޅަކަށް ކަމުދާ ޕްލޭނެއް ނެންގެވުމަށް އިލްތިމާސްކުރައްވާ ކަމަށެވެ. އަދި ކަސްޓަމަރުންގެ ޖީބަށް ލުއި ވުމުގެ އިތުރުން މިޕްލޭން ނެގުމުގައިވެސް ފަސޭހަތަކެއް އެކުލަވާލުމަށްޓަކައި މިއީ އޮންލައިންކޮށް މައި އެލައިޑުން ނެގޭނެ ހިދުމަތެއްކަމުގައި ފާހަގަ ކުރެއްވިއެވެ.