ފިރިހެންކުދިންނަށް އަމިއްލަ އިހްސާސްތައް މެނޭޖްކުރަން ދަސްކޮށްދިނުން މުހިއްމު

އަމިއްލަ އިހްސާސްތައް މެނޭޖްކުރުމަކީ ބެލެނިވެރިއްގެ ހައިސިއްޔަތުން ފިރެހެން ކުދިންނަށް ދަސްކޮށްދޭންޖެހޭ ކަމެކެވެ. މިއީ ބޮޑުވެގެން އަންނައިރު ދަރިފުޅަށް އޭގެ ސަބަބުން އާންމު ދިރިއުޅުމުގައި އުޅެން ފަސޭހަވެގެންދާނެކަމެކެވެ. ޙާއްސަކޮށް ރުޅި ކޮންޓްރޯލްކުރުމަށް ދަސްކޮށްދޭންޖެހެއެވެ. މިއީ ދަރިފުޅަށް އިހްސާސްތައް ކޮންޓްރޯލްކުރަން ދަސްކޮށްދެވިދާނެ ގޮތްތަކެކެވެ.

އިހްސާސްތަކާއި ކުރިމަތިލުމުގެ ކުރިން އެއީ ކޮން އިހްސާސެއްތޯ ދަރިފުޅަށް ބުނެދިނުމަކީ މުހިންމު ކަމެކެވެ. މިސާލަކަށް ކުޅިވަރަކަށްދާން ބައްޕައައުން ލަސްވެގެން ދަރިފުޅު ރުޅިއައިސްފައިވާނަމަ އެ ރުޅިއަކީ ދެރަވެގެން އައިސްފައިވާ ރުޅިއެއްކަން ދަރިފުޅަށް ބުނެދެވިދާނެއެވެ. މިގޮތައް ދަރިފުޅުގެ އިހްސާސްތަކާއި ގުޅިފައިވާ ކަންކަން ދެނެގަތުމަށް ދަސްކޮއްދޭށެވެ.

advertisement

ދަރިފުޅުގެ އިހްސާސްތައް ދެނެގަތުމަށްފަހު އެކަންކަމާއި އެންމެ ރަނގަޅަށް ވިސްނުމަށްފަހު އަމަލުކުރަން ދަސްކޮށްދޭށެވެ. އެހެންކަމުން ރުޅިވެރިކަމާއި އަދި ކަންކަމަށް ޖެލަސީފަދަ އިމޯޝަންއަށް ވިސްނުންތެރިކަމާއިއެކު އަމަލުކުރަން ދަސްކޮށްދެވިދާނެއެވެ.

ދަރިފުޅުގެ އިހްސާސްތަކާއިމެދު އަމަލުކުރާ ގޮތަކީ އޭނާގެ އަމިއްލަ އިހްތިޔާރުގައިވާ ކަންކަން ކަމަށް ބުނެދޭށެވެ. ރުޅިވެރިކަމުގެ ސަބަބުން އެހެންމީހުންނަށް ނުވަތަ އެއްޗަކަށް ގެއްލުމެއް ލިބޭފަދަ ކަމެއް ކުރުމަކީ ކޮއްގެން ނުވާނެކަމެއްކަން ބުނެދޭށެވެ. އޭގެބަދަލުގައި އިހްސާސްތައް އެހެން ގޮތްގޮތުން ބޭރުކުރަން ދަސްކޮށްދޭށެވެ. މިސާލަކަށް ރުޅިއައުމުން ބާލީހުގައި ޕަންޗްކުރުން، ނުވަތަ އެހެނިހެން ކަމަކުން އެހެން މީހަކަށް ނުވަތަ އަމިއްލަ ނަފްސަށް ގެއްލުން ނުލިބޭނެ ގޮތަކަށް އިހްސާސްތައް ބޭރުކުރަން ދަސްކޮށްދެވިދާނެއެވެ.