އެމްވީޕްލަސްގެ ކޮމިއުނިޓީ އިމްޕެކްޓް އެވޯޑަށް އެލިޖިބަލެވާ ޖަމިއްޔާތަކަށް މިހާރު ޑޮނޭޓް ކުރެވޭނެ

އެމްވީ ޕްލަސްގެ ކޮމިއުނިޓީ އިންޕެކްޓް އެވޯޑަށް ޝަރުތުހަމަވާ ޖަމިއްޔާތަކަށް ޑޮނޭޓްކުރުމުގެ ފުރުސަތު ހުޅުވާލައިފިއެވެ.

އެމްވީ ޕްލަސްއިން ބުނީ ކޮމިއުނިޓީ އިންޕެކްޓް އެވޯޑްސްގެ މަޤްސަދަކީ ހޮވާލެވޭ ލޯކަލް އެންޖީއޯތަކުގެ މަސައްކަތުގެ އަގުވަޒަންކޮށް އަދި ޖަމިއްޔާތަކުގެ މަސައްކަތް އިތުރަށް ފުޅާކުރުމަށް ހިތްވަރުދިނުންކަމަށެވެ.

advertisement

އެމްވީ ޕްލަސްއިން ގަބޫލުކުރާ ގޮތުގައި ނޮން ޕްރޮފިޓް ޖަމިއްޔާތަކަކީ އިޖްތިމާއީ އެކިއެކި ކަންކަމުގައި ހައްލު ހޯދައިދޭ މުހިންމު ބައެކެވެ. އެހެންކަމުން މިފަދަ ޖަމިއްޔާތައް ބާރުވެރިކޮށް ޖަމިއްޔާތަކަށް އެހީތެރިވުމަކީ އެމްވީ ޕްލަސްގެ ވަރަށް ބޮޑު އަމާޒެކެވެ.

ކޯޕަރޭޓް މޯލްޑިވްސްގެ ގޯލްޑް 100 ގެ ގާލާ އިވެންޓްގައި މި އެވޯޑްލިބޭ އެންޖީއޯތަކަށް ފަންޑްރެއިޒް ކުރެވޭނެކަމަށްވެސް އެވްމީ ޕްލަސްއިން ބުނެއެވެ. 

އެމްވީ ޕްލަސްގެ ކޮމިއުނިޓީ އިންޕެކްޓް އެވޯޑަށް ޝަރުތުހަމަވާ 11 ޖަމިއްޔާއަކަށް އެހީތެރިވުމުގެ ފުރުސަތު މިހާރުވެސް ވަނީ ހުޅުވާލާފައެވެ. އޭގެތެރޭގައި ހިމެނެނީ ޒީރޯ ވޭސްޓް މޯލްޑިވްސް، ފެމިލީ ލީގަލް ކްލިނިކް، ކްލީން މޯލްޑިވްސް، ސޭވް ދަ ބީޗް މޯލްޑިވްސް، ސޮސައިޓީ ފޯ ހެލްތް އެޑިއުކޭށަން، ހޯޕް ފޯ ވުމަން، މާސީ، އެންޑޯމެޓްރިއޯސިސް އެސޯސިއޭށަން އޮފް މޯލްޑިވްސް، މަމްސް އޮފަރިންގް މަމްސް ސަޕޯޓް، ކެންސާ ސޮސައިޓީ އޮފް މޯލްޑިވްސް އަދި އާރކްއެވެ..