ކުޑަކުދިން ރޫޓީންއެއް ތެރޭ ގެންގުޅުން މުހިއްމު

ދިރިއުޅުމުގެ ކަންކަން ވަކި އުސޫލެއްގެ ދަށުން ކުރިއަށްގެންދިއުމަށް ދަރިންނަށް ދަސްކޮށްދިނުމަކީ ވަރަށް މުހިންމު ކަމެކެވެ. މީގެ ސަބަބުން ވަކި ވަގުތެއްގައި ވަކި ކަމެއްކުރުމަށް ދަރިފުޅު ހޭނިގެންދާނެއެވެ. ކަންކަން ބަދަލުކުރާނަމަ މީގެ ސަބަބުން ދަރިފުޅަށް ސްޓްރެސް ލިބިގެންދާނެކަމަށް ދިރާސާއިން ދައްކައެވެ. އެހެންކަމުން ވަކި ތާވަލެއްގެ ދަށުން ކަންކަން ހިންގުމަކީ ދަރިފުޅަށް ކަންކަން ކުރަން ފަސޭހަވެގެންދާނެކަމެކެވެ.

ޑެއިލީ ރޫޓިންގެ ތެރޭގައި ހިމެނިދާނެކަންކަން:

advertisement

• ހެނދުނު ތައްޔާރުވާންވީ ވަގުތު ކަނޑައެޅުން
• ފެންވަރަންވީ ވަގުތު، ކާންވީ ވަގުތު، ނިދަންވީ ވަގުތު ކަނޑައެޅުން
• ގޭތެރޭގެ މަސައްކަތްތައް ކުރަންވީ ވަގުތު، ކައްކާ ގޭތެރެ ސާފުކުރާނެ ގޮތުގެ ތާވަލައެއް ކަނޑައެޅުން
• ކުޅޭވަގުތު، އާއިލީ ވަގުތު، ބޭރަށްދާ ވަގުތު ކަނޑައެޅުން

މިގޮތައް ވަކި ޝެޑިއުލްއެއްގެ ތެރެއިން ކަންކަން ކުރުމުގެ ސަބަބުން ދަރިފުޅަށް ގިނަ ފައިދާތަކެއް ލިބިގެންދެއެވެ. އޭގެތެރޭގައި ވަކި ޝެޑިއުލަކަށް ދަރިފުޅަށް ކަންކަން ކުރަން ދަސްވެ އެ ޝެޑިއުލާއި އެއްގޮތައް އަމަލުކުރަން ފަސޭހަވެގެންދާނެއެވެ. މީގެ ސަބަބުން ވަކި ވަގުތެއްގައި ނިދުމާއި ހޭލުންފަދަ ކަންކަމަށް ދަރިފުޅު ތަރުބިއްޔަތުވާނެއެވެ.

އާއިލާއާއިއެކު އޮންނަ ގުޅުން ވަރުގަދަވެގެންދާނެއެވެ. ދިރިއުޅުމުގެ ކަންކަން ހުންނަ ގޮތުން ކޮންމެ މީހަކުވެސް ބިޒީކޮށް އުޅެންޖެހިފައިވާއިރު އާއިލާއާއިއެކު ވަކި ވަގުތެއް ހޭދަކުރަން ކަނޑައަޅާފައި އޮންނަނަމަ އެއީ އާއިލީ ވަގުތުކަން އެނގި އެކަމަށް ވަގުތު ހުސްކުރަން ފަސޭހަވެގެންދާނެއެވެ. މީގެ ސަބަބު އާއިލީ ގުޅުން އިތުރަށް ވަރުގަދަވެގެންދާނެއެވެ.

މީގެ ސަބަބުން ދަރިފުޅަށް އިތުބާރާއި ޔަޤީންކަން ލިބިގެންދާނެއެވެ. ވަކި ވަގުތެއްގައި ވަކި ކަމެއް ކުރަން ޖެހޭނެކަން ދަރިފުޅަށް އިނގޭނެއެވެ. އަބަދު ވަކިކަމެއް ކުރަން ދަރިފުޅަށް އޯޑަރު ދޭކަށް ނުޖެހޭނެއެވެ. މީގެ ސަބަބުން އަމިއްލަ ނަފުސާއިމެދު އޮންނަ އިތުބާރު އިތުރުވެގެންދާނެއެވެ.

ސިއްހަތައް ފައިދާހުރި އާދަތައް އަށަގަތުމަށް އެހީއަކަށް ވެގެންދާނެއެވެ. ވަކި ވަގުތެއްގައި ކެއުމާއި ނިދުން ފަދަ ކަންކަމާއި ފިލާވަޅު ހެދުންފަދަ ކަންކަން ވަގުތައް ކުރުމުގެ ސަބަބުން އިތުރު ވަގުތު ހޯދުމަށް މީގެ ސަބަބުން އެހީއަކަށް ވެގެންދާނެއެވެ.

ގޭތެރޭގެ ކަންކަން ކުރުމުގައި އެންމެ ކުޑައިރުންސުރެއްވެސް ދަރިފުޅު ވަކި ގޮތަކަށް ހޭނުވުމަކީ ވަރަށް މުހިންމު ކަމެކެވެ. އެއިރުން އެވެނިކަމެއް މިވެނިކަމެއް ނުކުރެވިގެން އުޅޭކަށް ނުޖެހޭނެއެވެ. ކަނޑައެޅިފައިވާ ވަގުތައް އެކަމެއް ކުރަންޖެހޭނެކަން ދަރިފުޅަށް އިހްސާސްކުރެވޭނެއެވެ.