އެކި ކުދިން ދަސްކުރާނީ އެކި ގޮތް ގޮތަށް

ކިޔެވުމުގައި އެކި ކުދިން އުނގެނެނީ އެކިގޮތަށެވެ. އެކި ކުދިންނަށް ފިލާވަޅު ދަސްކުރަން ފަސޭހަވަނީވެސް އެކި ގޮތްގޮތަށެވެ. ބައެއް ކުދިން ނޯޓް ނަގައިގެން ދަސްކޮށްފާނެއެވެ. އަނެއްބައި ކުދިން ޑައިގްރާމް ކުރަހައިގެން ދަސްކުރާއިރު، ލެކްޗަރ އަޑުއަހައިގެން ދަސްކުރާ ކުދިންވެސް އުޅެއެވެ.

ދަސްކުރުމުގައި އެކިއެކި ގޮތްތައް ހުރެއެވެ. އެހެންކަމުން ކޮންމެ ބެލެނިވެރިއަކުވެސް އެ ކުއްޖަކަށް ފަސޭހަގޮތަކަށް ދަސްކުރުމަށް ފުރުސަތު ފަހިކޮށްދޭންޖެހެއެވެ. ކިޔެވުމުގައި އެންމެ ރަނގަޅު ގޮތަކީ ކޮބައިތޯ ބެލުމަށް ސައިންސްވެރިން ވަނީ ދިރާސާތަކެއް ކޮށްފައެވެ. މީގެތެރެއިން އެންމެ މަޤްބޫލު ތިއަރީއަކީ ވީއޭއާރުކޭ މޮޑެލްއެވެ. މި މޮޑެލްގައި ބުނަނީ ދަސްކުރުމަށް 4 ގޮތެއް އޮންނަކަމަށެވެ. އެއީ ވިޝުއަލް، އޮޑިޓޮރީ، ކިނިސްތެޓިކް، އަދި ރީޑިންގ/ ރައިޓިންގއެވެ.

advertisement

ވިޝުއަލް ލާނިންގ ސްޓައިލް:

ވިޝުއަލް ލާނާރސް އަކީ މައުލޫމާތުތައް ވިޝުއަލީ ނަގައިގެން ދަސްކުރާ ކުދިންނެވެ. މީގެތެރޭގައި މެޕާއި، ގްރެފިކްސް، ޗާޓްސްގެ ޒަރިއްޔާއިން ދަސްކުރަން ފަސޭހަވެގެންދެއެވެ. ނަމަވެސް ޕޮޓޯއާއި ވީޑިއޯ މެދުވެރިކޮށް މިފަދަ ކުދިންނަށް ދަސްކުރަން އުނދަގޫވެއެވެ.

އޮޑިޓޮރީ ލާނިންގ ސްޓައިލް:

އޮޑިޓޯރީ ލާނާރސްއަށް ފަސޭހަވާނީ އަޑުއަހައި ވާހަކަދައްކައިގެން ދަސްކުރަންށެވެ. އަދި މިފަދަ ކުދިންނަށް އަޑުގަދަ ތަންތަނުގައި ދަސްކުރަން ފަސޭހަވާނެއެވެ. ގްރޫޕް ޑިސްކަޝަންއަކީވެސް މިފަދަ ކުދިންނަށް ދަސްކުރަން ފަސޭހަ ގޮތެކެވެ.

ކިނެސްތެޓިކް ލާނިންގ ސްޓައިލް:

ކިނެސްތެޓިކް ލާނާރސްއަކީ ކަންކަން ކުރުމުގެ ތެރެއިން ދަސްކުރާ ކުދިންނެވެ. އެކުދިން ދަސްކުރާ ތަކެތި އަމިއްލައަށް ތަޖުރިބާކުރުމުން ދަސްވާލެއް ފަސޭހަވާނެއެވެ.

ރީޑިންގ/ ރައިޓިންސް

ބައެއް ކުދިންނަށް ދަސްކުރަން ފަސޭހަވަނީ ފޮތް ކިޔައިގެން ނުވަތަ ލިއެގެންނެވެ. އެހެން ގޮތްތަކަށް ދަސްކުރުމަކީ މިކުދިންނަށް އުނދަގޫ ކަމެކެވެ.

ކިޔެވުމަށް އެކި ކުދިންނަށް އެކި ގޮތް ފަސޭހައިރު ކޮންމެ ކުއްޖަކުވެސް އެ ކުއްޖަކަށް ފަސޭހަ ގޮތަކީ ކޮބައިކަން ދެނެގަތުމަކީ ވަރަށް މުހިންމު ކަމެކެވެ. އަދި ބެލެނިވެރިންވެސް އެމީހުންގެ ދަރިންނަށް އުނގެނުމަށް އެންމެ ފަސޭހައީ ކޮން ގޮތަކަށްތޯ ބެލުމަކީ މުހިންމު ކަމެކެވެ