އީޕީއާރް: މެނުފެކްޗަރުންނާއި އިމްޕޯޓަރުންނަށް ތިމާވެށީގެ މައްސަލަތަކަށް ހައްލުހޯދުމަށްއޮތް ފުރުސަތެއް

އީޕީއާރު ޕްރޮޖެކްޓްގެ ސަބަބުން ތިމާވެށީގެ މައްސަލަތަކަށް ހައްލެއް ހޯދުމަށް މުދާ އެތެރެކުރާ ފަރާތްތަކާއި މުދާ އުފައްދާ ފަރާތްތަކަށް ފުރުސަތު ލިބިގެންދާނެކަމަށް ޒީރޯ ވޭސްޓް މޯލްޑިވްސްއިން ބުނެފިއެވެ.

އެމްވީ ޕްލަސްއަށް ދިން އިންޓަވިއުއެއްގައި ޒީރޯ ވޭސްޓް މޯލްޑިވްސްގެ ކޯ ފައުންޑަރ އަޙްމަދު އަފްރާހް ވިދާޅުވީ، އީޕީއާރު މޯލްޑިވްސް ޕްރޮޖެކްޓަކީ މި ޕްރޮޖެކްޓަކީ ޔޫއެންޑީޕީގެ އޯޝަން އިނޮވޭޝަން ޗެލެންޖް ކިޔާ ޕްރޮގްރާމެއްގެ ތެރެއިން ފަންޑްކޮށްގެން ހިންގާ ޕްރޮޖެކްޓެއްކަމަށެވެ. މިއީ ރާއްޖެއަށް އެކްސްޓެންޑެއް ޕްރޮޑިއުސަރ ރެސްޕޯންސިބިލިޓީ ފްރޭމްވޯކްއެއް ހަދަންވެގެން ހިންގާ ޕްރޮޖެކްޓެއްކަން އޭނާ ފާހަގަކުރެއްވިއެވެ. މި ޕްރޮޖެކްޓްގެ ސަބަބުން މުދާ އެތެރެކުރާ ފަރާތްތަކަށްވެސް ގިނަ ފައިދާތަކެއް ލިބިގެންދާނެކަން އޭނާ ފާހަގަކުރެއްވިއެވެ.

advertisement

“ރާއްޖެއަށް މުދާ އެތެރެކުރާ ފަރާތްތަކާއި އަދި ރާއްޖޭގައި މުދާ އުފައްދާ ފަރާތްތަކަށް ބެނިޕިޓްސްވެސް ލިބޭނެ. މިސާލަކަށް އެ ރެއިޖިމްގެ ތެރެއިން ޓެކްސް އެގްޒަމްޝަންސް ނޫނިއްޔާމުން އިމްޕޯޓްކުރާއިރު ބައެއް ލުއި ގޮތްތައް ލިބޭނެ މަގުވެސް ފަހިވެގެންދާނެ. ދެން ބައެއް ޕްރޮޑަކްޓްސް ތަކުގައި ރިސްޓްރިކްޝަންސް ތަކާއިހެދި އޭގެ އެހެން ޕެކޭޖިންގ އެއްގައި އިމްޕޯޓް ކުރީމައި ލިބޭ ލުއިތަކެއްވެސް ހިމެނިދާނެ. މިސާލަކަށް ސިންގަލް ޔޫސް ޕްލާސްޓިކްގެ ވާހަކަތާ މިދައްވަނީ. އެހެންވެއްޖިއްޔާ ސިންގަލް ޔޫސް ޕްލާސްޓިކްގެ ބަދަލުގައި އެހެން ތަންކޮޅެއް ފަސޭހައިން މެނޭޖްކުރެވޭ މެޓީރިއަލްއެއްގައި އިންޕޯޓްކޮށްފިއްޔާ އެގްޒަމްޝަންސް ލިބޭ ކަހަލަ ގޮތްގޮތްވެސް ހެދޭ.” އަފްރާހް ވިދާޅުވިއެވެ.

ރާއްޖެއަށް މިކަން އެންމެ ރަނގަޅަށް މިކަން ތަންފީޒު ކުރެވޭނެ ގޮތްތައް ޒީރޯ ވޭސްޓް މޯލްޑިވްސްއިން މިހާރު ދަނީ ބަލަމުންނެވެ. އެގޮތުން ސްޓޭކް ހޯލްޑަރުންނަށްވެސް މަޝްވަރާ ކުރުމުގެ މަސައްކަތް ދަނީ ކުރަމުންނެވެ. ރާއްޖެއަށް މީތި އިންޕްލިމަންޓް ކުރުމުގެ މަސައްކަތުގެ ދަށުން ފިހާރަތަކުން ލިބެންހުންނަ ތަކެތި މޮނިޓަރ ކުރުމުގެ މަސައްކަތްވެސް ކުރެވޭނެއެވެ. ޒީރޯ ވޭސްޓް މޯލްޑިވްސްއިން ބުނީ ޕްރޮޖެކްޓްގެ ދަށުން އިންނާނީ ޕްލާސްޓިކް އެންޑް ޕެކޭޖިންގ އަށް ބޮޑަށް ފޯކަސްކޮށްފައިކަމަށެވެ.