ޚަބަރު

މާލީ ގޮތުން ދަތިކުރުމަކީވެސް ގެވެށި އަނިޔާ

20 އޮކްޓޯބަރ 2021 - 12:30

އަނިޔާގެ ވާހަކަ ދައްކާއިރު ގިނަ މީހުންނަށް ހީވަނީ އަނިޔާ ލިބެނީ ހަމައެކަނި ޖިސްމާނީ ގޮތުންނާއި ނަފްސާނީ ގޮތުންކަމަށެވެ. ނަމަވެސް މިނޫނަސް ތަފާތު އެކި އަނިޔާތައް ލިބެއެވެ. “ފައިނޭންސިއަލް އެބިއުސް” ނުވަތަ މާލީގޮތުންދޭ އަނިޔާތަކަކީވެސް ވަކި ކުޑަ އަނިޔާއެއް ނޫނެވެ.

ދިރާސާތަކުން ދައްކާގޮތުން މާލީގޮތުންދޭ އަނިޔާތަކުގެ ސަބަބުންވެސް ގިނަ ފަހަރު ގުޅުންތަކަށް އަސަރުކުރެއެވެ. ސެންޓަރ ފޯރ ފައިނޭންސިއަލް ސެކިއުޓީން ކޮށްފައިވާ ދިރާސާއެއްގައި ބުނެފައިވަނީ ޑޮމެސްޓިކް ވައޮލެންސްގެ މައްސަލަތަކުގައި %99 މައްސަލައިގައި ފައިނޭންސަލް އެބިއުސް ހިމެނޭކަމަށެވެ.

advertisement

ފައިނޭންސިއަލް އެބިއުސް ނުވަތަ މާލީގޮތުން ދެވޭ އަނިޔާއަކީ ބައިވެރިޔާ ނުވަތަ އެހެންވެސް މީހަކަށް މާލީގޮތުން އަނިޔާދިނުމެވެ. މިސާލަކަށް ފައިސާ ހަރަދުކުރުމަށް ހުރަސްއެޅުމާއި، ފައިސާ ހޯދަން މަސައްކަތްކުރުމަށް ހުރަސްއެޅުމެވެ. މީގެއިތުރުންވެސް ފައިސާ އަތުލުމާއި، އޭނާގެ އަމިއްލަ ފައިސާ ހަރަދުކުރުމަށް ހުރަސްއެޅުމާއި ފައިސާދިން ނަމަވެސް އެ ބޭނުންކުރާ ގޮތާއި ބޭނުންކުރާ މިންވަރު ބަލާ އެމީހާއަށް އެކަމުގައި އެއްވެސް މިނިވަންކަމެއް ނުދިނުމަކީވެސް މާލީގޮތުން ކުރެވޭ  އަނިޔާތަކެވެ.

ނަމަވެސް މިފަދަ މައްސަލަތައް މުޖްތަމައުގައި އިނގޭ މީހުން މަދެވެ. ނުވަތަ މިފަދަ ކަންކަމާއިމެދު އާންމުން ހޭލުންތެރި މިންވަރުވެސް މަދެވެ. އެހެންކަމުން މާލީގޮތުން މީހަކަށް އަނިޔާއެއް ލިބޭއިރުވެސް ގިނަފަހަރު މިކަން އޮންނަނީ ނޭންގިއެވެ.

ރިއެކްޝަންސް
0
0
0
0
0
0
0