މިޔަރު މަސްވެރިކަން ކުރާ މީހުންނަށް އަދަބު ނުދެވެނީ ކީއްވެ؟

މިޔަރު މަސްވެރިކަމަކީ ރާއްޖޭގައި މަނާކޮށްފައި އޮންނަ މަސްވެރިކަމެކެވެ. ޤަވައިދާ ހިލާފަށް މިޔަރު އުރަހަ އެކްސްޕޯޓްކުރުމަކީވެސް މަނާކަމެކެވެ. ދޭތެރެދޭތެރެއިން މިޔަރު އުރަހަ އެކްސްޕޯޓްކުރަން އުޅެނިކޮށް އެތަކެތި ކަސްޓަމްސްއިން އަތުލައިވެސް ގަނެއެވެ. އަދި މިފަދަ ފަރާތްތަކާއިމެދު ފިޔަވަޅުވެސް އަޅައެވެ.

މިޔަރު މަސްވެރިކަމަކީ ރާއްޖޭގައި މަނާ މަސްވެރިކަމަކަށްވީނަމަވެސް ރާއްޖޭގައި އަދިވެސް ބައެއް ފަރާތްތަކުން ދަނީ މިޔަރު މަސްވެރިކަން ފާޅުގައި ކުރަމުންނެވެ. ދާދިފަހުން މީހަކު ސޯސަލް މީޑިއާގައި ވަނީ ބަޔަކު ނެޓް ޖަހައިގެން މިޔަރު މަސްވެރިކަން ކުރާ ފޮޓޯތަކެއް ހިއްސާކޮށްފައެވެ. މި ފޮޓޯތައް ހިއްސާކުރަމުން އޭނާ ބުނެފައިވަނީ ފްލެމިންގޯ ހިފުމަކީ މަނާކަމެއްކަމަށެވެ. ނަމަވެސް ހއ. ބާރަށުގައި ނެޓު ޖަހައިގެން މިޔަރު މަސްވެރިކަން ކުރަމުންދާކަމަށެވެ.

advertisement

މި ޕޯސްޓްގައި އޭނާ ބުނެފައިވަނީ ރާއްޖޭގައި މިޔަރަކީ ހިމާޔަތްކޮށްފައިވާ އެއްޗެއް ނޫންކަމަށެވެ. ސަބަބަކީ މިކަން މިގޮތައް ކުރާކަން ފުލުހުންނަށް އިނގިހުރެ މިކަން ހުއްޓުވުމަށް އެއްވެސް މަސައްކަތެއްކޮށްފައި ނުވާކަމަށެވެ.

އެންވަޔަރަމަންޓަލް ޕްރޮޓެކްޝަން އެޖެންސީގެ ގަވައިދުގައިވެސް މިޔަރަކީ ހިމާޔަތްކޮށްފައިވާ ބާވަތެއްކަމަށް ކަނޑައަޅާފައެއް ނުވެއެވެ. ރާއްޖޭގައި މިޔަރުގެ މަސްވެރިކަން ފެށީ 1970 ގެ އަހަރުތަކުތެރޭގައެވެ. 2000ގެ އަހަރުތަކުގައި މިޔަރުގެ މަސްވެރިކަން ވަރަށް ބޮޑަށް ހީނަރުވެގެންދިއުމާއި ގުޅިގެން 2010 ވަނަ އަހަރު މުޅި ރާއްޖޭގެ އިޤްތިސާދީ ސަރަހައްދުން މިޔަރުގެ މަސްވެރިކަން ކުރުން މަނާކުރިއެވެ.