ރާއްޖޭގައި ސައިބާ ކްރައިމްގެ 65 އިންސައްތަ އަކީ ކްރެޑިޓް ކާޑް ފްރޯޑް

ރާއްޖޭގައި ހިންގާ ސައިބަރ ކްރައިމްތަކުގައި ގިނައީ ކްރެޑިޓް ކާޑު ބޭނުންކޮށްގެން ހިންގާ ކުއްތައްކަމަށް ތަފާސްހިސާބުތަކުން ދައްކައިފިއެވެ. މިގޮތައް ދައްކާފައިވަނީ މޯލްޑިވްސް ޕޮލިސް ސަރވިސްއިން އާންމުކޮށްފައިވާ 2020 ވަނަ އަހަރުގެ 3 ވަނަ ކުއާޓަރުގެ ކްރައިމް ރިޕޯޓުގައެވެ.

ފުލުހުންގެ ތަފާސްހިސާބުތައް ދައްކާގޮތުން 3 ވަނަ ކުއާޓަރުގައި ސައިބަރ ކްރައިމްގެ 40 މައްސަލައެއް ވަނީ ހުށައަޅާފައެވެ. މިއީ ޖުލައިމަހު ހުށައެޅި 13 މައްސަލައަކާއި، އޮގަސްޓް މަހު ހުށައެޅި 13 މައްސަލައާއި އަދި ސެޕްޓެމްބަރ މަހު ހުށައެޅި 14 މައްސަލައެވެ.

advertisement

ފުލުހުންގެ ތަފާސްހިސާބުތައް ދައްކާގޮތުން ކްރެޑިޓް ކާޑު ބޭނުންކޮށްގެން ޖުމްލަ 15 މައްސަލައެއް ވަނީ ހުށައަޅާފައެވެ. ހެކް ކޮށްގެން 6 މައްސަލައެއް އަދި އައިޑެންޓިޓީ ތެފްޓްގެ 2 މައްސަލައެއް ފުލުހަށް ވަނީ ހުށައަޅާފައެވެ.

ކްރެޑިޓް ކާޑު ބޭނުންކޮށްގެން ހިންގާ ކްރައިމްތަކަކީ އެހެން މީހެއްގެ ކްރެޑިޓް ކާޑު ނަހަމަގޮތުގައި ބޭނުންކޮށްގެން ހިންގާ ފްރޯޑްގެ އަމަލުތަކެވެ. ރާއްޖޭގެ ބޭންކުތަކުންވެސް އަންނަނީ ކަސްޓަމަރުންނަށް ކާޑު ބޭނުންކުރުމުގައި ސަމާލްވެ ކާޑުގެ މައުލޫމާތު އެއްވެސް ފަރާތަކަށް އާންމު ނުކުރުމަށް އެދިފައެވެ.

ކްރެޑިޓް ކާޑުގެ ފްރޯޑް އަމަލުތައް ހުއްޓުމަށް ކުރެވިދާނެ ކަންކަން:

• ކްރެޑިޓް ކާޑުގެ ނަބަރު ނޭންގޭ ސައިޓްތަކާއި މީހުންނަށް ނުދިނުން
• ގޮތްނޭންގޭ ސައިޓްތަކަށް އިތުބާރުނުކުރުން
• އޮންލައިން ޓްރާންސްސެކްޝަން ކުރުމުގައި ސަމާލުވުން
• ކްރެޑިޓް ކާޑު ބޭނުންކޮށްގެން ތަކެތި ގަނެވޭނަމަ އެގޮތް އިހްތިޔާރުކުރުން