ޚަބަރު

ހިޔާލުފާޅުކުރުމުގެ މިނިވަންކަމާއި ހުރަސްއެޅޭގޮތައް ފުލުހުން އަމަލުކޮށްފައިވާތީ ކަންބޮޑުވުން

26 އޮކްޓޯބަރ 2021 - 13:31

ހިޔާލުފާޅުކުރުމުގެ މިނިވަންކަމާއި ހުރަސްއެޅޭގޮތައް ފުލުހުން އަމަލުކޮށްފައިވާތީ ޓްރާންސްޕޭރެންސީ މޯލްޑިވްސްއިން ކަންބޮޑުވުން ފަޅުކޮށްފިއެވެ.

ޓްރާންސްޕޭރެންސީ މޯލްޑިވްސްއިން ކޮށްފައިވާ ޓްވިޓެއްގައި ބުނެފައިވަނީ ޕޮލިޓިކަލް އެކްޓިވިސްޓަކު ހައްޔަރުކޮށް ހިޔާލުފާޅުކުރުމަށް ދަމާފައިވާ ބެނަރތައް ނެގުމަކީ ހިޔާލުފާޅުކުރުމުގެ މިނިވަންކަމާއި ދެކޮޅަށް ފުލުހުން ހިންގި އަމަލެއްކަމަށެވެ. އަދި މީހުންގެ ގޭގެއަށް ވަދު މުދާ ގެންގޮސް މީހުން ހައްޔަރުކުރުމުގެ ކުރިން ކޯޓު އަމުރު ބޭނުންވާކަމަށްވެސް ޓްރާންސްޕޭރެންސީ މޯލްޑިވްސްއިން ވަނީ ބުނެފައެވެ.

advertisement

މީގެއިތުރުންވެސް ޓްރާންސްޕޭރެންސީ މޯލްޑިވްސްއިން ބުނެފައިވަނީ ޑިމޮކްރަސީގައި އަދި އިންސާނީ ހައްގުގައިވެސް ހިޔާލު ފާޅުކުރުމުގެ މިނިވަންކަން މުހިންމު ރޯލެއް އަދާކުރާކަމަށެވެ. އެއްވެސް ހުރަހެއް ނެތި ހައްޔަރުކުރުމުގެ ބިރެއްނެތި ސަރުކާރާއި އަދި އިދާރާތަކަށް އެމީހަކު ބޭނުންވާ ހިޔާލެއް ފާޅުކުރުމުގެ މިނިވަންކަމަކީ އޮންނަންޖެހޭ އެއްޗެއްކަމަށް ޓްރާންސްޕޭރެންސީ މޯލްޑިވްސްއިން ވަނީ ބުނެފައެވެ.

ކަންމިހެން އޮތުމާއިއެކު ހިޔާލު ފާޅުކުރުމުގެ މިނިވަންކަން ރައްޔިތުންނަށް ކަށަވަރުކޮށްދިނުމަށް ޓްރާންސްޕޭރެންސީ މޯލްޑިވްސްއިން ވަނީ ގޮވާލާފައެވެ. ދިވެހިރާއްޖޭގެ ޤާނޫނު އަސާސީގައިވާ ގޮތުގެ މަތިން އިޖުތިމާއީ މިންގަނޑުތަކާއި، ގައުމީ ސަލާމަތާއި، އިސްލާމްދީނުގެ އަހްލާގާއި ހިލާފުނުވާނެ ގޮތުގެމަތިން، އެހެން މީހުންގެ ހައްޤުތަކާއި އަބުރު ރައްކާތެރިކުރެވޭނެ ފަދައަކުން، ހިޔާލުފާޅުކުރުމަކީ ކޮންމެ މީހަކަށް ލިބިގެންވާ އަސާސީ ހައްގެކެވެ.

ރިއެކްޝަންސް
0
0
0
0
0
0
0