އެކަނިވެރިކަމުން އަރައިގަތުމަށް މާނަވީ އިޖްތިމާއީ ގުޅުން ދެމެހެއްޓުން މުހިއްމު

ދިރިއުޅުމުގައި ދިމާވާ ކަމެއްގެ ސަބަބުން ނުވަތަ ކަންތައްތަކެއްގެ ސަބަބުން ވަރަށް ގިނަފަހަރު އެކަނިވެރިކަމުގެ އިހްސާސްކުރެވެއެވެ. މީގެތެރޭގައި ލޯބިވާ މީހަކު ވަކިވުން، ދިރިއުޅޭތަންނޫން އެހެން ތަނަކަށް ބަދަލުވުން، ފަދަ ކަންތައްތައް ހިމެނެއެވެ.

އެކަނިވެރިކަމުގެ އިހްސާސް ކުރެވުމަކީ މީހާގެ ސިއްހަތަކާއި އަދި މެންޓަލް ހެލްތަށްވެސް އޭގެ އަސަރުކުރާކަމެކެވެ. މީގެތެރޭގައި:

advertisement

• ޑިޕްރެޝަންއަށް ދިއުން
• ނިންޖަށް އަސަރުކުރުން
• ކަންކަމަށް ފޯކަސްކުރަން އުނދަގޫވުން
• ދިފާއީ ނިޒާމަށް އަސަރުކުރުން
• އަމިއްލަ ނަފްސަށް ޝައުގުވެރިކަން ގެއްލުން

އެކަނި ހުރުމާއި އެކަނިވެރިކަމުގެ އިހްސާސްކުރުމަކީ މުޅިން ތަފާތު 2 ކަމެކެވެ. އެކަނި ވަގުތު ހޭދަކުރެވިދާނެއެވެ. އަދި އޭގެ މާނައަކީ އެމީހަކު އެކަނިވެރިކަމުގެ އިހްސާސް ކުރެވެނީއެކޭ ނޫނެވެ. ބައެއް ފަހަރު އެކަނިވެލުމަކީ މީހުން ކުރާކަމެކެވެ. މިއީ އެކަނިވެރިވެގެން ކުރާ ކަމެއްނޫނެވެ.

އެކަނިވެރިކަމުގެ އިހްސާސްކުރެވޭނަމަ ކުރެވިދާނެ ބައެއް ކަންކަން ހުރެއެވެ. އޭގެތެރޭގައި:

މީހުން އެއްވެއުޅޭ ތަންތަނަށްގޮސް އައު މީހުންނާއި ބައްދަލުކުރެވިދާނެއެވެ. މީގެ ސަބަބުން އައު މީހުންނާއި ބައްދަވެ އައު ގުޅުންތައް ބަދަހިވުމަށް މަގުފަހިވެގެންދާނެއެވެ.

ތިމާ ގަޔާވާ ކަންތައްތައް ކުރަން ބޭނުންވާ މީހުންނާއިއެކު ވަގުތު ހޭދަކުރުމަކީވެސް އެކަނިވެރިކަން ފިލުވުމަށް ކުރެވިދާނެކަމެކެވެ. ތިމާ ޝައުގުވެރިވާ ކަންކަން ކުރަން ބޭނުންވާ މީހުންނާއި ކަނެކްޓް ވާލެއް އަދި ވެވޭލެއް އަވަސްވާނެއެވެ. މިއީވެސް ގުޅުންތައް ބަދަހިކޮށް އެކަނިވެރިކަން ފިލުވުމަށް މުހިންމު ކަމެކެވެ.

އާއިލާއާއި ރަހުމަތްތެރިން ދެނެގަންނާށެވެ. އާއިލާ ނުވަތަ ރަހުމަތްތެރިންނާއިއެކު އުޅޭއިރު އެމީހުން ރަނގަޅަށް ނޭންގޭނަމަ އެކަނިވެރިކަމުގެ އިހްސާސް ކުރެވިދާނެއެވެ. ނަމަވެސް އެމީހުން ރަނގަޅަށް ދެނެގަނެ އެމީހުންނާއި ގުޅުންބަދަހި ކުރުމަކީ ވަރަށް މުހިންމު ކަމެކެވެ.

އަމިއްލަ ނަފްސާއިމެދު ރަނގަޅު ގުޅުމެއް ބާއްވާށެވެ. މިއީ އެކަނިވެރިކަމުގެ އިހްސާސް ކުޑަކުރުމަށް ކުރެވިދާނެ މުހިންމު ކަމެކެވެ. އަމިއްލަ ނަފްސު ގަޔާވާ ކަންކަމާއި ގަޔާނުވާ ކަންކަން ދެނެގަންނާށެވެ. އަދި އެކަންކަމަށް ވަގުތު ހުސްކުރާށެވެ.

އަމިއްލައަށް އެހެންމީހުންނާއިއެކު ބޭރަށްދާން ޕްލޭން ހަދާށެވެ. އެކަނިވެރިކަމުގެ އިހްސާސްކުރެވޭއިރު އެހެން މީހުން ޕްލޭން ހަދައި ބޭރަށްދާން ގުޅަންދެން މަޑުނުކުރާށެވެ. އަމިއްލައަށް ޕްލޭން ހަދައި އިސްނަގާށެވެ.

ތިމާގެ އެކަނިވެރިކަމަށް އެއްވެސް ގޮތަކަށް ހައްލު ނުލިބޭނަމަ މިކަމުގައި ދެން އޮތް އެންމެ ރަނގަޅު ހައްލަކީ ކަމާބެހޭ ފަރާތްތަކުގެ އެހީތެރިކަން ހޯދުމެވެ. އެގޮތުން ތެރަޕީ ނަގަން ފެށިދާނެއެވެ.