ޕެންޑެމިކް އާއި މޫސުމީ ބަދަލުތަކާ ގުޅިފައި

ކޯވިޑް19 މިއީ މޫސުމަށް އަންނަ ބަދަލުތަކުގެ ސަބަބުން ދިމާވި ބަލިމަޑުކަމެއްތޯ ބެލުމަށް ވަނީ ދިރާސާއެއްކޮށްފައެވެ. މި ދިރާސާއިން ދައްކާގޮތުން ކޯވިޑް19 އަކީ މޫސުމީ ބަދަލުތަކުން އައި ބަލިމަޑުކަމެއްކަން ޔަޤީންކޮށް ބުނަން އެނގޭވަރުގެ ހެކިތަކެއް ނެތެވެ. ނަމަވެސް މޫސުމަށް އަންނަ ބަދަލުތަކުގެ ސަބަބުން ދުނިޔޭގައި އުޅޭ އެކިއެކި ދިރުންތަކަށް އަސަރުކޮށް އިންޕެކްޝަން ޖެހުމުގެ ފުރުސަތު ބޮޑުކަން ހާމަވެއެވެ.

ދުނިޔެ ހޫނުވުމުގެ ސަބަބުން ދުނިޔޭގައި އުޅެ ކުދި ބޮޑެތި ޖަނަވާރުތަކާއި މޫދުގައި އުޅޭ ދިރުންތަކާއި އަސަރުކޮށް މިތަކެތި ބައްދަލުވާއިރު މިފަދަ އިންފެކްޝަން އައުމުގެ ފުރުސަތު ބޮޑެވެ.

advertisement

ސްކޫލް އޮފް ޕަބްލިކް ހެލްތްގެ ދަރިވަރުންތަކެއް ކޮށްފައިވާ ދިރާސާއިން ދައްކާގޮތުން ވައި ނުސާފު ސަރަހައްދުތަކުގައި އުޅޭ މީހުން ކޯވިޑް19 ޖެހިގެން މަރުވާ ނިސްބަތް އިތުރެވެ. މި ދިރާސާއާއި ބާރުދޭ އެހެން ދިރާސާތައްވެސް އެބަހުއްޓެވެ. އެގޮތުން ހަމަ އެ ސްކޫލުން ކޮށްފައިވާ “ކޮރޯނާ ވައިރަސް އެންޑް އެއަރ ޕޮލިއުޝަން” ދިރާސާގައިވެސް ބުނެފައިވަނީ ވައި ނުސާފު ތަންތަނުގައި އުޅޭ މީހުންނާއި ދުންފަތުގެ އިސްތިމާލުކުރާ މީހުން ކޯވިޑް19 ޖެހިގެން މަރުވުމުގެ ފުރުސަތު ބޮޑުކަމަށެވެ.

މޫސުމަށް އަންނަ ބަދަލުތަކުގެ ސަބަބުން “އިންފެކްޝިއަސް ޑިޒީޒް” ފެތުރުމުގެ ފުރުސަތު އިތުރުވެގެންދެއެވެ. އެގޮތުން މާޒީއަށް ބަލާއިރުވެސް ބައެއްކަހަލަ ބަލިތައް މޫސުމަށް އަންނަ ބަދަލުތަކުގެ ސަބަބުން ފެތުރިފަވެސް އެބަހުއްޓެވެ. އެގޮތުން ލީމް ޑިޒީޒް، ފެނުގެ ސަބަބުން ޖެހޭ އެކިއެކި ބަލިތައް މިސާލަކަށް ވިބްރިއޯ ޕެރަމޮލިޓިކަސް، މަދިރީގެ ސަބަބުން ޖެހޭ މެލޭރިއާ އަދި ޑެންގޫ ފަދަ ބަލިތަކަކަކީ މިފަދަ ބަލިތަކެކެވެ.

މިފަދަ ބަލިތަކުން ސަލާމަތްވުމަށް މޫސުމަށް އަންނަ ބަދަލުތަކުން ސަލާމަތްވުމަށް ފިޔަވަޅު އަޅަންޖެހެއެވެ. ޙާއްސަކޮށް ޑީފޮރެސްޓޭޝަން ނުވަތަ ކަސްކެނޑުން ފަދަ ކަންކަމުން ދުރުވާންޖެހެއެވެ.  މިއީ ޖަންގަލިތަކުގައި ދިރިއުޅޭ ޖަނަވާރުތައް އެއްތަނުން އަނެއްތަނަށް ހިޖުރަކުރަން ދިމާވާ އެންމެ ބޮޑު ސަބަބެވެ. އަދި މީގެ ސަބަބުން ޖަނަވާރުންގެ ސަބަބުން ޖެހޭ ބަލިތައް އިތުރުވެގެންދެއެވެ.

އެހެންކަމުން މުސްތަގުބަލުގައި ކޯވިޑް19 ފަދަ ޕެންޑަމިކްއެއް އަޔަނުދިނުމަށްޓަކައިވެސް މޫސުމަށް އަންނަ ބަދަލުތަކުން ރައްކާތެރިވުމަށް މަސައްކަތްކުރަންޖެހެއެވެ.