ސުނާމީއެއް އަރާނަމަ ހަދާނީ ކިހިނެތް؟

ސުނާމީގެ އިންޒާރު ނުވަތަ ބޮޑު ރާޅެއްގެ އިންޒާރު ލިބޭނަމަ އެއީ ސައްހަ މައުލޫމާތެއްތޯ ޔަގީން ކުރަން އެބަޖެހެ އެވެ. އަދި “ސޭފް ޒޯން”ގެ ގޮތުގައި ކަނޑައަޅާފައިވާ ސަރަހައްދު ހުސްކުރަން ތައްޔާރު ވާން ޖެހެ އެވެ.

ސުނާމީއެއް އރާ ކަމުގެ އިންޒާރު ލިބިފައިވާނަމަ މުހިންމު ލިޔެކިޔުންތަކާއި، ބޭހާއި، އަގުހުރި ތަކެތި، ހިކި އަދި ކޭންޑްފުޑް، ރޭޑިއޯ، ޓޯޗު ފަދަ ތަކެތި ހިމެނޭ ‘ގްރެބް ބޭގް’ އިން ހުސްކުރަން ތައްޔާރުވާށެވެ.

advertisement

‘ސޭފް ޒޯން’ ދޫކޮށް، ކަމާބެހޭ ފަރާތްތަކުން ލަފާ ދިނުމުން މެނުވީ، ސޭފް ޒޯން ދޫކޮށް ދިޔުމަކީ ބުއްދިވެރިގޮތެއް ނޫނެވެ. އެހެން ކަމުން ކަމާ ބެހޭ ފަރާތްތަކުން އިރުޝާދު ދިުމުން ނޫނީ އެ ސަރަހައްދު ދޫކޮށް ނުދާށެވެ.

ސުނާމީއަށް ތައްޔާރުވެ ތިބުމާ ބެހޭގޮތުން އާއިލާ އާއި ރަހުމަތްތެރިންނާ މަޝްވަރާކުރުމުން، މިކަމުގެ ސަބަބުން ބިރުވެރިކަން ކުޑަވެ، ކުއްލި ހާލަތުގައި އަގުހުރި ވަގުތުތައް ސަލާމަތްކުރުމަށް އެހީތެރިވެދޭނެ އެވެ.

އެހެން ކަމުން ރައްކާތެރިވުމުގެ ފިޔަވަޅު ވަރުގަަ ކުރުމަށް ދުރާލާ ތައްޔާރު ވުމަކީ މުހިންމު ކަމެކެވެ.