ހެޕަޓައިޓިސް ޖެހޭ 90 އންސައްތަ މީހުންނަށް ބަލި ހުންނަ ކަމެއް ނޭންގޭ، މިއަދު ޓެސްޓް ކޮށްލެވޭނެ

މުޅި ދުނިޔެއަށް ބަލާއިރު، ވައިރަލް ހެޕަޓައިޓިސް ޖެހިފައިވާ މީހުންގެ ތެރެއިން ގާތްގަނޑަކަށް 90 ޕަސެންޓު މީހުންނަކީ ހެޕަޓައިޓިސް ޖެހިފައި ހުރިކަން ނޭނގި ތިބި މީހުންނެވެ. އަދި އެކަމުގެ އެއްވެސް މަުއލޫމާތެއް ލިބިފައި ނެތް މީހުންނެވެ.

ދުނިޔޭގެ ހެޕެޓައިޓްސް ދުވަހާއި ގުޅިގެން މިއަހަރުގެ ޖުލައި މަހުގެ 28 ވަނަ ދުވަހުން ފެށިގެން ކުރިއަށް ގެންދާ އަހަރީ ކޭމްޕުގައި ބައިވެރިވުމުގެ ފުރުސަތު ވަނީ އާންމުކޮށް ހުޅުވާލާފަ އެވެ.

advertisement

އެގޮތުން ދުނިޔޭގެ ސިއްހަތު ޖަމިއްޔާ އާއި ރާއްޖޭގެ ހެލްތު ޕްރޮޓެކްޝަން އެޖެންސީ އާއި ހޭންޑްސް ޓުގެތާ ޖަމިއްޔާ ގުޅިގެން މިއަދު އިސްކަންދަރު މައިޒާނުގައި ހާއްސަ ހަރަކާތެއް ހިންގުމަށް ވަނީ ނިންމާފަ އެވެ. މި ހަރަކާތުގެ ތެރެއިން ހެޕަޓައިޓިސް ބީ އަދި ސީ އަށް ހިލޭ ޓެސްޓު ކުރެވޭނެ އެވެ. އަދި ހެޕެޓައިޓިސް ސީގެ ނަތީޖާ ވަގުތުން ލިބޭނެ އެވެ.

އެހެން ކަމުން މި ހަރަކާތުގައި ބައިވެރިވާން ބެނުންވަ ފަރާތްތަކުން މިއަދު އިރު އޮއްސި 6:00 ހަމަޔަށް އިސްކަންދަރު މައިޒާނަށް އައިސް ޓެސްޓު ކުރުމާއި މި ބަލީގެ މައުލޫމާތު ހޯދުމަށްވަނީ އެދިފަ އެވެ. ރާއްޖޭގައި މިއީ އާންމު ބައްޔެއް ނޫން ނަމަވެސް މި ބަލި ޖެހިފައިވާ މީހުން ރާއްޖޭގައިވެސް އެބަތިއްބެވެ.