ދަރިން ތަރުބިއްޔަތުކުރުމުގައި ބެލެނިވެރިންނަށް ހެދޭ ގޯސްތަކަކީ ކޮބާ؟

ދަރިއަކު ލިބުމަކީ ދެމަފިރިއަކަށް ލިބޭނެ އެންމެ ބޮޑު އުފަލެވެ. އެ ކުއްޖާ ރަނގަޅުގޮތުގައި ބޮޑުކުރުމަށް ގިނަ މަސައްކަތްތަކެއް ކުރެއެވެ. ލޯބިންގޮސް ދަރިފުޅަށް ބޭނުންވާނެ ހުރިހައި ކަމެއްކޮއްދެއެވެ. ނަމަވެސް ބައެއް ފަހަރު ނޭންގިތިބެ ލޯބިންގޮސް ކޮއްދޭ ކަންކަމުގެ ސަބަބުން ދަރިފުޅު ހަލާކުކުރެވޭ ފަހަރުވެސް އާދެއެވެ. ކޮންމެ ބެލެނިވެރިއަކުވެސް އެންމެ ރަނގަޅު ގޮތުގައި ދަރިން ބަލަން މަސައްކަތްކުރިނަމަވެސް ގޯސްތައް ހެދެއެވެ. އެގޮތުން މި ކިޔާދެނީ ދަރިން ބެލުމުގައި ހެދޭ ބައެއް ގޯސްތަކެވެ.

advertisement

އޮޅުވާލުމަށް ދޮގުހެދުން

މިސާލަކަށް ބުނާނަމަ ގެއަށް މީހަކު އައިސް ދިއުމުން އެދިޔައީ ދަރިފުޅު ބަސްނޭހުމުންނޭ ބުނެވިދާނެއެވެ. ނަމަވެސް މީގެ ބަދަލުގައި ހަޤީގަތައް ބުނެވިދާނެއެވެ. މިއީ ވަކި ގޮތަކަށް ދަރިފުޅުގެ އިހުސާސްތައް ލަންބުވާލަން ބޭނުންކުރާ އުކުޅަކަށް ވިޔަސް، މީގެ ސަބަބުން ކުއްޖާ އަށް އޮޅުވާލެވެނީ ހަގީގަތެވެ. މިފަދަ ހާލަތްތަކުގައި އަބަދު ވެސް ހަގީގަތް ކިޔައިދިނުން މުހިއްމެވެ. އެކަމަކު އެ އުމުރަކާ ގުޅޭ ގޮތަށް އެކަމެއް ވިސްނައިދިނުމުގެ ގޮތުން އިތުރަށް އޮޅުންފިލުވައިދޭން ޖެހިދާނެ އެވެ.

ވަކި ކަމެއް ކުރަން ބުނުން

ގިނަ ފަހަރު ދަރިފުޅުކައިރީގައި ވަކި ކަމެއް ކުރަން ބުނެވެއެވެ. ނަމަވެސް ގޭތެރެއިން ބެލެނިވެރިން އެކަން ކުރާތަން ދަރިފުޅަށް ނުފެންނަނަމަ މިއީ ދަރިފުޅަށް ގަބޫލުކުރެވޭނެ ކަމެއްނޫނެވެ. އެހެންކަމުން ފުރަތަމަ ބެލެނިވެރިޔާ ދަރިފުޅަށް ނަމޫނާ ދައްކަންޖެހެއެވެ. މިސާލަކަށް ދަރިފުޅު ކައިރީގައި ނަމާދުކުރަން ދާން ބުނުމަށްފަހު ބެލެނިވެރިޔާވެސް އެކަން ކުރާނަމަ ދަރިން ބެލެނެވެރިޔާ ބުނާ ކަންކަން ބަލާދަސްކޮށް ކުރާލެއް އަވަސްވާނެއެވެ.

ވަކި ގޮތަކަށް ދަރިފުޅު އުޅެންޖެހޭ ކަމަށް ގަބޫލުކުރެވުން

ތިބާ ކުޑައިރު އުޅުނުގޮތައް ނުވަތަ ވަކި ކުއްޖަކު އުޅުނުގޮތައް ތސިބާގެ ދަރިފުޅު އުޅެންޖެހޭނެކަމަށް ދަރިފުޅަށް ބުނެދެވުމަކީ ނުވަތަ އެފަދަ އިހްސާސް ދަރިފުޅަށް ކޮށްދިނުމަކީ ގޯހެކެވެ. ވަކި ގޮތަކަށް އުޅެން ދަރިފުޅަށް މަޖުބޫރު ނުކުރާށެވެ. ސަބަބަކީ ކޮންމެ ކުއްޖަކީވެސް ތަފާތު ކުއްޖަކަށްވުމެވެ.

ބޭނުންހައި އެއްޗެއް ހޯދައިދިނުން

ބޭނުންހައި އެއްޗެއް ދަރިފުޅަށް ހޯދައިދިނުމަކީ ލޯބިންގޮސް ބައެއް ބެލެނިވެރިންނަށް ކުރެވޭ ކަމެކެވެ. އޭގެތެރޭގައި ލުއިކާނާއާއި މެޓާފަދަ ތަކެތި ބޭނުން މިންވަރަކަށް ދެވޭ ފަހަރު އާދެއެވެ. ލުއި ކާނާ އާއި މެޓާ ފަދަ ތަކެތި ކުދިންނަށް ދޭއިރު ލިމިޓްކުރަންޖެހެއެވެ.

އާއިލާ އެކުގައި ކާން މޭޒަށް އަރާ ވަގުތަކީ ދަރިފުޅަށް ލުއިކާނާ ކެއުމުގެ ފުރުސަތު ލިބޭ ވަގުތަކަށް ހެދިއްޖެ ނަމަ، ކުދިން އެކަނޗް އާދައަކަށް ހަދާނެ އެވެ. މީގެ ސަބަބުން ކެއުމުގެ ދުޅަހެޔޮ އާދަތަކާ ކުދިން ފަސޭހައިން ދުރައް ދާނެ އެވެ. ގޭގައި ކައްކާފައި ހުންނަ އެއްޗެއް ކެއުމުގެ ބަދަލުގައި އަބަދުވެސް މަސައްކަތް ކުރާނީ ކޮންމެވެސް އެކަހަލަ އެއްޗެއް ކެއުމަށެވެ.

ލުއި ކާނާ އަކީ ސިއްހަތަށް ވެސް ގިނަ ގެއްލުން ދޭ އެއްޗެކެވެ. އޯވާ ވެއިޓް ފަދަ މައްސަލަތައް ހުންނަ ގިނަ ކުދިންނަކީ ލުއި ކާނާ އާއި ފޮނި އެއްޗެހި ގިނައިން ކާ ކުދިންނެވެ. އެހެންވީމަ، ކެއުމުގެ އާދަތަކަށް އެންމެ ކުޑަ އިރުއްސުރެ ދަރިފުޅު ހޭނުމަކީ މުހިއްމު ކަމެކެވެ.

ދަރިން ތަރުބިއްޔަތު ކުރާ އިރު އެންމެ މުހިއްމު ކަމެއް ދޭންވީ އެއް ކަމަކީ ކުއްޖާ އާއި އެކު އޮންނަ ގުޅުން ބަދަހި ކުރުމެވެ. އެހެންވީމަ، ތަރުބިއްޔަތުކުރާއިރު ބެލެނިވެރިއެއްގެ ދައުރު އަދާކުރުމަށްވުރެ ބޮޑު އިސްކަމެއް ދޭންވީ ކުއްޖާ އަށް އޭނާގެ ހުރިހާ އިހުސާސެއް ޖެހިލުމެއް ނެތި ހިއްސާ ކުރެވޭ ވަރުގެ އިތުބާރު ހުރި، އެކުވެރި މީހަކަށް ވުމަށެވެ.