“ޓޮކްސިކް މަސްކިއުލިނިޓި” ކިޔާ އަޑުއަހަންތަ؟

މިއީ މުޖްތަމައުގެ ތެރޭގައި ގެންގުޅޭ ވިސްނުންތަކާއި އަދި އެނޫންވެސް ކަންކަމުގެ ސަބަބުން އަންނަ ދިމާކުރުންތަކާއި ފުރައްސާރައެވެ. މިފަދަ ފުރައްސާރަ ފިރެހެނުންނަށްވެސް ކުރެއެވެ. ބައެއް ފަހަރު މުޖްތަމައު މާކުރިންސުރެ ގަބޫލުކުރާ ގޮތްތަކުގެ ސަބަބުން ބައެއް ފިރެހެނުންނަކީ “އަންހެންދުޅާ” ބައެއްކަމަށް ބުނެ އެމީހުންނަށް މުޖްތަމައުގެ ތެރޭގައި ފުރައްސާރަކުރެއެވެ. މި ދިމާކުރުންތަކުގެ ތެރޭގައި ހިމެނޭ ބައެއް ކަންކަމުގެ ތެރޭގައި:

• އެމީހުންގެ ބާރުވެރިކަމަށް ދިމާކުރުން
• އިހްސާސްތަކަށް މަލާމާތްކުރުން
• ޑޮމިނެންސް

ތަންކޮޅެއް ގައިންބާރުދެރަ ނުވަތަ ކަންކަމާއި ރޮއެހަދާ މީހުންނަކީ ފިރެހެނުންނޫންކަމަށާއި އެއީ އަންހެނެއްކަމަށް ބުނެ މުޖްތަމައުގައި ގިނަފަހަރު ދިމާކުރުންތައް ގެންގުޅެއެވެ. ނަމަވެސް ހަޤީގަތަކީ ފިރެހެނަކަށްވިއަސް އަދި އަންހެނަކަށް ވިއަސް ދިރިއުޅުމުގައި ދިމާވާ ކަންކަމުގެ ސަބަބުން އިހްސާސްތަކަކީ ބޭރުވާނެ އެއްޗެކެވެ. ފިރެހެނެއްވިއަސް ހިތާމަވެރި ކަމެއް ދިމާވުމުން ރޮވޭނެއެވެ. އަދި ބަރުބަލިވުމަކީ އިހްސާސްކުރާނެކަމެކެވެ.

advertisement

އަދި ހާއްސަކޮށް ރާއްޖެފަދަ ޤައުމުތަކުގައި “ފިރިހެންވަންތަ” ވުމޭ ގިނައިން ބުނެއުޅެއެވެ. މިއީ ރާއްޖޭގެ ސަގާފަތް ޤަބޫލުކުރާގޮތުގައި ފިރިހެނެއްގައި ހުންނަންވީ ފުރިހަމަ ސިފަތައް ލިބިގެންވާ މީހަކަށް ވުމެވެ. ބައެއް މީހުންދެކޭ ގޮތުގައި ތަށި ދޮވުމަކީ ފިރިހެން ވަންތަ ކަންކަމެއް ނޫނެވެ. ދަރިފުޅުގެ ނެޕީ ބަދަލުކޮށްލުމަކީ ފިރިހެންވަންތަ ކަމެއް ނޫނެވެ. އަނބި މީހާ ބުނާ ކަންކަން ކުރުމަކީ “އަނބި ދަށުވެ” ފިރިހެންވަންތަކަމށް ހުތުރު އެރުވެމެ. ފެހުމާ، ކެއްކުމާ ފަދަ ގޭތެރެ ސާފުކުރާނަމަ މަލާމާތްވެސް ކުރެއެވެ. މީގެ ސަބަބުން އާއިލާއާ އެއްކޮށް ކޮލިޓީ ވަގުތު ހޭދަނުކޮށް ބޭރުތެރޭ ރައްޓެހިންނާއެކު ހަތަރު ދަމު އުޅުން، މިއީ، ފިރިހެނެއްވިއްޔާ ހަމަ ނޯމަލް ކަމަކަށް ބެލެވެއެވެ.

މީގެ ސަބަބުން މުޖުތަމައުގައި ދެ ޖިންސަށްވެސް އެތަށް ނަފްސާނީ ގެއްލުންތަކެއްވެއެވެ.

ޓޮކްސިކް މަސްކިލިނިޓީ އުފަންވެފައިވަނީ 1980 ވަނަ އަހަރު ފިރެހެނުންގެ ހައްގުތަކުގައި ވަކާލާތުކުރުމަށް މިޓޮޕޮއެޓިކް މެންސް މޫމަންޓްއިންނެވެ. މި މީހުން މަސައްކަތްކުރަނީ މިފަދަ ތަފާތުކުރުންތައް ނައްތާލުމަށެވެ.

އަހަރެމެންގެ ތެރޭގައިވެސް މިފަދަ ކަންކަމުގެ ސަބަބުން ފިރެހެނުންނާއި ފިރެހެންކުދިންނަށް ދިމާކުރުންތައް ވަނީ ގިނަވެފައެވެ. ސްކޫލްގެ މާހައުލާއި މަސައްކަތުގެ މާހައުލުގައިވެސް މިފަދަ ދިމާކުރުންތައް ވަނީ އިތުރުވެފައެވެ. މީގެ ސަބަބުން މިކަން ތަހައްމަލް ކުރަމުންދާ މީހަކަށްވެސް ގިނަ ގޮންޖެހުންތަކާއި ކުރިމަތިލާންޖެހެއެވެ. އެގޮތުން ޑިޕްރެޝަންއަށް ދިއުމާއި، އާންމުންގެ ތެރޭގައި އުޅުމަށް އުނދަގޫވުމާއި، ސްޓްރެސްވުން ހިމެނެއެވެ.