ތަކެތި ގަތުމަކީވެސް މީހާ އެއަށް ދެވިހިފާ ކަމެއް

ތަކެތި ގަތުމަކީވެސް މީހާ އެއަށް ދެވިހިފާ ކަމެކެވެ. ބައެއް ފަހަރު ބޭނުންނުވާ ތަކެތި ނުވަތަ ބޭނުންނުވާ މިންވަރަށްވެސް ތަކެތި ގަނެވޭ ފަހަރު އާދެއެވެ. ކޮންޕަލްސިވް ބައިން ޑިސްއޯޑަރ އަކީ މިއީއެވެ. ވިޔަފާރިކުރުން މިހާރު މިވަނީ ވަރަށް ބޮޑަށްވެސް ފަސޭހަވެފައެވެ. ކޮންމެ ތަނެއްގައި ހުރެވެސް ތަކެތި ގަނެލެވެއެވެ. އޮންލައިން ވިޔަފާރި ފުޅާވެފައިވާ މި ޒަމާނުގައި ބޭނުންނެތް ތަކެތި ގަންނަމީހުން ވަނީ ވަރަށް ބޮޑަށްވެސް އިތުރުވެފައެވެ.

ކޮންޕަލްސިވް ބައިން ޑިސްއޯޑަރ އަށް ބޭނުންކުރާ އެހެން ނަންނަންވެސް ހުރެއެވެ. އޭގެތެރޭގައި ކޮންޕަލްސިވް ޝޮޕިންގ، ބައިން ޑިސްއޯޑަރ، ކޮންޕަލްސިވް ސްޕެންޑިންގ، ޝޮޕަހޯލިޒަމް، އޮނިއޯމޭނިއާ ފަދަ ނަންނަން ހިމެނެއެވެ.

advertisement

ކޮންޕަލްސިވް ބަޔަރ އަކީ ވަނީ ކިހާހިސާބަކުން؟

ވިޔަފާރިކުރުމަކީ ކޮންމެ ދުވަހެއްގެ ދިރިއުޅުމުގައިވެސް އަހަރެމެން ކުރާ ކަމެކެވެ. ނަމަވެސް އެއީ ޒަރޫރީ ތަކެއްޗެވެ. ސައިކޮލޮޖީ އެކްސްޕާޓުން ވަނީ ކޮންޕަލްސިވް ބަޔަރ އަކަށްވާ 3 ދަރަޖައެއް ވާކަމަށް ބުނެފައެވެ.

އިއްރެސިސްޓިބަލް ބައިން

މިއީ ވިޔަފާރިކުރަން ގޮސް ކަނޑައަޅާފައިވާ ބަޖެޓަށްވުރެ އިތުރަށް ވިޔަފާރިކުރުމެވެ. ތަކެތި ފެނުމުން ނުގަނެ ހުރުމަކީ މި މީހުންނަށް ކުރަން އުނދަގޫ ކަމެކެވެ.

އަންކޮންޓްރޯލަބަލް ބައިން

މިއީ ތިމާ ބޭނުންނުވާ ތަކެތި ގަތުމެވެ. އެއްޗެއް ފެނުމުން އެހީ ތިމާ ބޭނުންނުވާ އެއްޗެއް ކަމުގައިވީނަމަވެސް ގަނެއެވެ. ފަހުން ބޭނުންކުރަން ހިތުލައި ގަތްނަމަވެސް ދުވަހަކުވެސް އެ ގަތްއެއްޗެއް ބޭނުންނުކުރުމަކީ މިއީއެވެ.

ދިރިއުޅުމަށް އަސަރުކުރުން

ބޭނުންނުވާ ތަކެތި ގަތުމުން ނުވަތަ ބަޖެޓަށްވުރެ އިތުރަށް ތަކެތި ގަތުމަށް ހަރަދުކުރުމުން މީހާގެ ދިރިއުޅުމަށް އަސަރުކުރެއެވެ. މީގެ ސަބަބުން ފައިސާގެ ދަތިކަން ދިމާވެ ކޮންމެހެން ކުރަންޖެހޭ ކަންކަމަށް ފައިސާއެއް ނުހުރެއެވެ.

މިކަން ހައްލުކުރުމަށްވެސް ކުރެވިދާނެ ކަންކަން ގިނައެވެ. އެގޮތުން ތަޖުރިބާކާރެއްގެ އެހީތެރިކަން ހޯދިދާނެއެވެ. އަދި ކޮންމެހެން ބޭނުންވާ ތަކެތި ގަތުމަށް އާދަކުރެވިދާނެއެވެ.