ބޭހާ ނުލާ ލޭގެ ޕްރެޝަރު ތިރިކޮށްލެވޭނެ ގޮތްތަކެއް

ލޭގެ ޕްރެޝަރު މަތިވުމަކީ ވަރަށް ގިނަ މީހުންނަށް ދިމާވާ ކަމެކެވެ. އަދި މިކަމަށް ބޭސްކާ މީހުންވެސް މަދެއްނޫނެވެ. ނަމަވެސް ބޭހައި ނުލައިވެސް ލޭގެ ޕްރެޝަރު ދަށްކޮށްލެވިދާނެއެވެ. މި އާޓިކަލްގައި މި ހިމަނާލަނީ ބޭހާއި ނުލައި ކޮށްލެވޭ ކުޑަ ކަމަކުން ލޭގެ ޕްރެޝަރު ދަށްކޮށްލެވިދާނެ ގޮތްތަކެވެ.

ކަސްރަތު ކުރުން

advertisement

ކަސްރަތުކުރުމަކީ ލޭގެ ޕްރެޝަރު ދަށްކުރުމަށްޓަކައި ކުރެވިދާނެ އެންމެ މުހިންމު ކަމެވެ. އެގޮތުން ކޮންމެ ދުވަހެއްގައިވެސް 150 މިނެޓް ކަސްރަތު ކުރެވޭ ފަދަ ކަމެއް ކުރެވިދާނެއެވެ. އޭގެތެރޭގައި ހިނގުން، ނުވަތަ ދުވުން ފަދަ ކަމެއް ކޮށްލެވިދާނެއެވެ. ކޮންމެ ދުވަހަކު 30 މިނެޓް ހިނގި ނަމަވެސް ލޭގެ ޕްރެޝަރު ދަށްވާނެކަމަށް ރިރާސާތަކުން ދައްކައެވެ.

ސޯޑިއަމް ބޭނުންކުރާ މިންވަރު ދަށްކުރުން

ކެއުމުގެ ތެރޭގައި ސޯޑިއަމް ހިމެނޭ ތަކެތި ކެއުން މަދުކޮށްގެންވެސް ލޭގެ ޕްރެޝަރު ދަށްކުރެވިދާނެއެވެ. ސޯޑިއަމްގެ މިންވަރު ދަށްކުރުމަށް ތައްޔާރީ ކާނާއާއި ޕްރޮސެސްކޮށްފައި ހުންނަ ތަކެތި ކެއުން މަދުކުރެވިދާނެއެވެ. އަދި ކެއުމުގައި ލޮނުގެ ބާވަތްތައް ބޭނުންކުރާ މިންވަރު ދަށްކުރުމަކީވެސް ކުރެވިދާނެކަމެކެވެ.

ޕޮޓޭސިއަމް ހިމެނޭ ބާވަތްތައް ކެއުން

ޕޮޓޭޝިއަމް ހަށިގަނޑަށް ލިބުމަށްޓަކައި ތާޒާ މޭވާއާއި ތަރުކާރީ ކެވިދާނެއެވެ. މީގެތެރޭގައި ފެހިކަންގަދަ ފަތާއި، މޭވާގެ ތެރޭގައި މެލަން، ދޮންކެޔޮ، އެވޮކާޑޯ، އޮރެންޖް އަދި އެޕްރިކޮޓް އަކީ ޕޮޓޭސިއަމް ގިނައިން އެކުލެވޭ ބާވަތްތަކެވެ.

ކެފެއިން ބޭނުންކުރާ މިންވަރު ދަށްކުރުން

ކެފެއިން ބޭނުންކުރާ މިންވަރު އިތުރުވުމަކީ ލޭގެ ޕްރެޝަދު މަތިވާ ކަމެކެވެ. އެހެންކަމުން ކެޕެއިން ހިމެނޭ ބާވަތްތައް ކަމަށްވާ ކޮފީ ބުއިން މަދުކުރެވިދާނެއެވެ.

ޑާކް ޗޮކްލެޓް ނުވަތަ ކޮކޯ ބޭނުންކުރުން

ޑާކް ޗޮކްލެޓް ނުވަތަ ކޮކޯ ގިނައިން އެކުލެވޭ ބާވަތްތައް ބޭނުންކުރުމަކީ ލޭގެ ޕްރެޝަރު ދަށްކުރުމަށް އެހީތެރިވެދޭ ކަމެކެވެ.