ކޮފީއާއި ކަޅުސައި: ސްޓްރޯކް ޖެހުން ދުރުކޮށްދޭ

ސްޓްރޯކް ޖެހުމަކީ މިހާރު ވަރަށް އާންމު ކަމެކެވެ. ސްޓްރޯކް ޖެހުން ދުރުކުރުމަށް ކުރެވިދާނެ ކަންކަންވެސް އެބަހުއްޓެވެ. އާންމުގޮތެއްގައި މިހާރު ކޮފީ ނުވަތަ ކަޅުސައި ނުބޯ މީހުން މަދުވާނެއެވެ. ކޮފީއަކީ މިހަރު ވަރަށް ގިނަ މީހުންނަށް ކަމުދާ ބުއިމެކެވެ. ކޮފީ ނުބޯމީހުންވެސް ހަމަގައިމުވެސް ކަޅުސައި ބޯނެއެވެ. ދިރާސާއަކުން ދައްކާގޮތުގައި ކޮފީއާއި ސަޔަކީ ސްޓްރޯކާއި ހަނދާން ނެތުމުގެ ބަލިން ދުރުކޮށްދޭ އެއްޗެއްކަން ވަނީ ސާބިތުވެފައެވެ.

ޗައިނާގެ ތަޖުރިބާކާރުން ކޮށްފައިވާ މި ދިރާސާގައި އުމުރުން 50 އަހަރާއި 74 އަހަރާއި ދެމެދުގެ 365،682 މީހުން ބައިވެރި ކޮށްފައިވެއެވެ.

advertisement

ދިރާސާ ފެށިއިރު މި ބައިވެރިންގެ ތެރޭގައި 5،079 މީހުން ހަނދާން ނެތޭ ބަލި ޖެހިފައިވެއެވެ. އަދި 10،053 މީހުންނަށް ވަނީ ސްޓްރޯކު ޖެހިފައެވެ. މި ދިރާސާ ފުރިހަމަކޮށްފައިވަނީ އެގާރަ އަހަރުގެ ތެރޭގައި ހޯދިހޯދުންތަކަށް ބިނާކޮށެވެ.

ދިރާސާގައި ބައިވެރިވި މީހުން ދުވާލަކު ތިނެއް ނުވަތަ ދެ ތަށި ކޮފީ އަދި ތިނެއް ނުވަތަ ފަސް ތަށި ކޮފީ ބޮއެފައިވެއެވެ. ނުވަތަ ހަތަށި ސަޔާއި ކޮފީ ދުވާލަކަށް ބޮއެފައިވެއެވެ.

ގާތްގަނޑަކަށް މި އަދަދުތަކަށް ކޮފީއާއި ސައި ބޮއެފައިވާ މީހުންގެ ހަނދާން ނެތުމުގެ ބައްޔާއި ސްޓްރޯކު ޖެހުމުން ދުރުކޮށްދީފައިވާ ކަމަށް ވެސް މި ދިރާސާއިން ދައްކުވައިދެއެވެ.

ކޮންމެ ދުވަހަކު ވެސް ސަޔާއި ކޮފީ ބޯ މީހަކަށް ވެސް ސްޓްރޯކު އަދި ހަނދާން ނެތޭ ބަލި ޖެހިދާނެއެވެ. ނަމަވެސް މި ބަލިތަކުން ދުރުކޮށްދޭ މިންވަރު އިތުރުނުވާނެކަން މި ދިރާސާއިން ދައްކުވައިދޭ ކަމަށް ވެސް ދިރާސާ ކުރި ފަރާތްތަކުން ބުނެފައިވެއެވެ.