ޚަބަރު

އޭސީ ފިނީގައި މާގިނަ ވަގުތު ހޭދަނުކުރޭ!

25 ނޮވެމްބަރ 2021 - 14:53

އޭސީއަކީ މިހާރު އެއާއިނުލާ ދިރިއުޅެން އުނދަގޫވެފައިވާ އެއްޗެކެވެ. އޭސީއެއް ނެތް ގެއެއް މިއަދު މަދޭ ބުނުމަކީވެސް ދޮގަކަށް ނުވާނެއެވެ. ގުދުރަތީ ވައި ލިބޭ  މިންވަރަށްވުރެ އޭސީގެ ފިނީގައި އުޅޭ މީހުން މިއަދު ގިނައެވެ. ނަމަވެސް އޭސީގައި މާގިނަ ވަގުތު ހޭދަކުރުމަކީ އަހަރެމެންގެ ހަށިގަނޑަށް އެއިން ގެއްލުން ލިބޭނެ ކަމެކެވެ.

މާ ގިނަ ވަގުތު އޭސީ ފިނީގައި ހޭދަކޮށްފިނަމަ ލިބޭ ބައެއް ގެއްލުންތަކުގެ ތެރޭގައި ލޮލުގެ ތެތްކަން ކުޑަވެ، ލޯހިކުމުގެ މައްސަލަ ވަރަށް އަވަހަށް ދިމާވެގެންދެއެވެ. އޭގެ ސަބަބުން ލޯ ހިރުވުމާއި ލޮލުގެ ފެނުން ފުސްވެ، ނަމްބަރުގެ އައިނުގެ ބޭނުންޖެހެއެވެ.

advertisement

އޭސީއަކީ ހަށިގަނޑުން ފެންދަމާ އެއްޗެއްކަމުގައި ސިއްހީ މާހިރުން ބުނެއެވެ. އޭސީ ފިނީގައި ގިނަ ވަގުތު ހޭދަކޮށްފިނަމަ ހަށިގަނޑުން ފެން މަދުވުމުގެ މައްސަލަ ކުރިމަތިވެއެވެ. މީގެ ސަބަބުން ބޮލުގެ ރިހުމާއި އެނބުރުން އެރުމާއި ހަށިގަނޑުގެ ވަރު ދޫވުން ފަދަ އެތައް މައްސަލަތަކާ ކުރިމަތިލާން ޖެހެއެވެ.

ގިނަ ވަގުތު އޭސީ ފިނީގައި ހޭދަކޮށްފިނަމަ ހަންގަނޑު ހިކި، ކުރަކިވުމުގެ މައްސަލަ ދިމާވެއެވެ. ބޮލުގައި ހަންފޮޅުމާއި ހަންގަނޑު ހިރުވުމަކީ އާންމުކޮށް އޭސީ ފިނީގެ ސަބަބުން ދިމާވާ ކަމެކެވެ.

އެހެންކަމުން، އޭސީގައި ހޭދާކުރާ މިންވަރު މަދުކުރަން ޖެހެއެވެ. އޭސީ ފިނިން ލިބޭ ގެއްލުން ކުޑަކުރުމަށްޓަކައި ގިނަގިނައިން ފެން ބުއިމަށް ސިއްހީ މާހިރުން ލަފާދާރުވެއެވެ.

ރިއެކްޝަންސް
2
5
2
4
1
1
2