އުރަމަތީގެ ކެންސަރުގެ އަލާމާތްތައް ދެނެގަނޭ!

އުރަމަތީގެ ކެންސަރު ނުވަތަ ބްރެސްޓް ކެންސަރަކީ ރާއްޖޭގައި އެންމެ އާންމު އެއް ކެންސަރެވެ. ވޯލްޑް ހެލްތު އޯގަނައިޒޭޝަން (ޑަބްލިއުއެޗްއޯ)ގެ އިންޓަރނޭޝަނަލް އޭޖަންސީ ފޯ ކެންސާ ރީސާޗްއިން ހާމަވާ ގޮތުގައި ރާއްޖޭގައި ޖެހޭ ކެންސަރުގެ ގާތްގަނޑަކަށް 73 ޕަސެންޓަކީ އުރަމަތީގެ ކެންސަރެވެ.

ހެލިފެލިވެ ނޫޅޭ، ހަރަކާތްތެރި ދިރުއުޅުމެއް ނޫޅޭ އަންހެނުންނަށް އަދި ދުންފަތުގެ އިސްތިއުމާލު ކުރާ މީހުންނަށް އުރަމަތީ ކެންސަރު ޖެހުމުގެ ފުރުސަތު އިތުރުވެގެންދެއެވެ. ކޮންމެ ބާވަތެއްގެ ބައްޔެއްވެސް ބަލީގެ ބޮޑުވަރު ވުމުގެ ކުރިން އެ ބަލި ދެނެގަނެވިއްޖެނަމަ ފަރުވާ ހޯދުމަށް ފަސޭހަވެގެންދާނެއެވެ. ހަމަ އެގޮތައް އުރަމަތީގެ ކެންސަރުގެ އަލާމާތްތައްވެސް ދެނެގަނެ ކުރީބައިގައި ފިޔަވަޅު އެޅިއްޖެނަމަ މިކަމުން ބޮޑުވަރު ވުމުން ސަލާމަތްކޮއްދޭނެއެވެ. އެގޮތުން އުރަމަތީގެ ކެންސަރުގެ ބައެއް އަލާމާތްތަކުގެ ތެރޭގައި:

advertisement

ގަނޑު ލާފައި ހުރުން

އުރަމަތީގައި މާ ބޮޑަށް ނޫނީ ކޮންމެވެސް ވަރަކަށް ގަނޑު ލާފައި ހުރުމަކީ ކެންސަރުގެ އަލާމާތެކެވެ. ގަނޑު ލާފައި ހުންނަ ތަން ތަނަށް އާންމު ގޮތެއްގައި ތަދުވެ ދުޅަވެފައި ހުންނަ ފާޑަކަށް ހުންނަ ނަމަ އެއީ އުރަމަތީ ކެންސަރުގެ އަލާމާތެކެވެ.

ތަދުވުން

އުރަމަތީ ވަކި ތަންކޮޅަށް ނުފިލާ ރިހުމެއް އަބަދުވެސް ހުންނަނަމަ މިއީ ނުރައްކާތެރި ކަމެކެވެ. މިއީ އުރަމަތީގެ ކެންސަރުގެ އަލާމާތަކަށް ވެދާނެއެވެ.

ރަތްވެފައި ހުރުން

ހިރުވުމެއް ހުރެ އުރަމަތީ ތަންތަންކޮޅު ރަތްވެފައި ހުރުމަކީ ވެސް އުރަމަތީ ކެންސަރު އަލާމާތެވެ.

އުރަމަތީގެ ކެންސަރަކީ ވަރަށް ގިނަ މީހުންނަށް ކުރިމަތިލާންޖެހިފައިވާ ކަމެކެވެ. އެހެންކަމުން މިފަދަ އަލާމާތެއް ފެންނަނަމަ ލަސްނުކޮށް ޑޮކްޓަރެއްގެ އިރުޝާދު ހޯދާއި ޓެސްޓްކުރުމަކީ އެންމެ މުހިންމުކަމެވެ.