ހެނދުނު ހުސްބަނޑާހުރެ މިތަކެތި ނުކާތި

ދުވަހުގެ އެންމެ މުހިންމު ކެއުމަކީ ހެނދުނުގެ ނާސްތާއެވެ. އެއީ ރޭގަނޑުގެ ގިނަ ވަގުތު ނުކައި ހުރުމަށްފަހު އެންމެ ފުރަތަމަ ކާކެއުމަށްވުމެވެ. އެހެންކަމުން ހެނދުނުގެ ނާސްތާއަށް ހަށިގަނޑަށް ފައިދާހުރި ތަކެތި ބޭނުންކުރުމަށް މާހިރުން ލަފާވެސް ދެއްވައެވެ. އަދި ހުސްބަނޑާހުރެ ބައެއް ކަހަލަ ތަކެތި ނުކެއުމަށްވެސް އިރުޝާދުދެއެވެ.

ބައެއް މީހުން ހެނދުނު ހޭލުމަށްފަހު، ނާސްތާއެއްގެ ބަދަލުގައި ހަމައެކަނި ކޮފީ ތަށްޓަކުން ފުއްދާލައެވެ. އެހެން ނަމަވެސް ހުސް ބަނޑަށް ހުރެ ހަމައެކަނި ކޮފީ ބޮއެފިނަމަ، އެސިޑް ރިފްލަކްސް ނުވަތަ ބަނޑުގައި ހުންނަ ގޭސް (އެސިޑް)، ކާތަކެތި ހިނގާހޮޅިން މައްޗަށް އެރުމުގެ މައްސަލަ ކުރިމަތިވެއެވެ.

advertisement

ބައެއް ބާވަތުގެ ބޭހަކީވެސް ހުސް ގޮހޮރާހުރެ ކެއުން މަނާ ތަކެއްޗެވެ. އެގޮތުން ޕެރެސެޓްމޯލް އަދި ޕެއިން ކިލާފަދަ ބާރުގަދަ ބޭސްތައް ހުސްބަނޑާހުރެ ކެއުމުން ގޭސްޓްރިކްގެ މައްސަލަތައް ދިމާވެއެވެ.

ބައެއް މީހުން ހެނދުނު ހޭލާގޮތައް އެނަރޖީ ޑްރިން ބޮއެވެ. ނަމަވެސް މިއީ ވަރަށް ބޮޑަށްވެސް ސިއްހަތައް ގެއްލުން ހުރި ކަމެކެވެ. އެނަރޖީ ޑްރިންކަކީ އޭގެ ޒާތުގައިވެސް ހަށިގަނޑަށް ރަނގަޅު ބުއިމެއް ނޫނެވެ. އަދި ހުސްބަނޑާހުރެ ބޭނުންކުރުމަކީ އެއްގޮތަކަށްވެސް އެދެވިގެންވާ ކަމެއްނޫނެވެ. އެނާޖީ ޑްރިންކްގައި ހުންނަ ބާރުގަދަ އެސިޑްތަކުގެ ސަބަބުން ބަނޑަށާއި ސިއްހަތަށް ނޭދެވޭ އެތައް އަސަރުތަކެއް ފޯރާނެއެވެ. އަދި މިއީ ގޭސްޓިކް ބައްޔަށް ވެސް މަގުފަހިވާ ކަމެކެވެ.