ކަފަބުރު: ރައްކާތެރި އެއްޗެއް ނޫން

ކަންފަތް ސާފުކުރުމަށް ކަފަބުރަކީ ވަރަށް ގިނަ މީހުން ބޭނުންކުރާ އެއްޗެކެވެ. ނަމަވެސް ޑޮކްޓަރުން ވިދާޅުވާގޮތުގައި ކަންފަތުގެ ތެރެއަށް ކަފަބުރު ވެއްދުމަކީ ރައްކާތެރިގޮތެއްނޫނެވެ.

ކަފަ ބުރަކުން ކަންފަތުގެ ބޭރު ސާފުކުރުމަކުން ގޯހެއް ނެތެވެ. އެހެންނަމަވެސް ކަންފަތުގެ އެތެރެއަށް ކަފަ ބުރު ކޮށްޕާ ނަމަ ކަންފަތުގައި ހުންނަ މަޑު މާ ބޮޑަށް އެތެރެއަށްވަދެ ކަންފަތް ބައްވުމުގެ ފުރުސަތު ބޮޑެވެ. މީގެއިތުރުން ކަންފަތަށް ކަފަ ބުރު ކޮށްޕާނަމަ ކަފަ ކޮޅު ތާށިވުމުގެ އިތުރަށް އޭގެ ސަބަބުން ކަންފަތުގެ އިއާ ޑްރަމްއަށް ގެއްލުންވެ، ކަންފަތުގައި ހިމެނޭ ތުނި ހަމުގެ ފަށަލައަށްވެސް ހާނިއްކަވެ އެވެ.

advertisement

އަހަރެމެންގެ ކަންފަތުގެ އެތެރެއަކީ އޭގެ ޒާތުގައި އަމިއްލަ އަށް ސާފުވުމުގެ ގާބިލްކަން ހުރި ގުނަވަނެކެވެ. އެހެންކަމުން ކަންފަތް ސާފުކުރުމަށް ކަފަބުރު ބޭނުންކުރުމަކީ ރަނގަޅު ގޮތެއް ނޫނެވެ. ނަމަވެސް މާ ބޮޑަށް ކަންފަތް ހިރުވައިގަތުމުން ނުވަތަ ފެން އެޅުމުން ކުޑަ ޓިޝޫކޮޅެއް ޖައްސާލާ ސާފުކޮށްލެވިދާނެއެވެ.