ބަދިގޭގެ މާހައުލުންވެސް ކުއްޖާއަށް ގިނަ ކަންކަމެއް ދަސްވާނެ

ކުޑަކުދިންނަކީ ވަރަށް އަވަހަށް ކަންކަން ދަސްކުރާ ބައެކެވެ. އެހެންކަމުން ގޭތެރޭގެ ބައެއް މަސައްކަތްތަކުގައި އެކުދިން ބައިވެރިކުރުމުން އެކުދިންނަށް ގިނަ ކަންކަން ދަސްވެގެންދެއެވެ. ބަދިގޭގައި ކައްކަން އުޅޭއިރު މިކަމުގައި ކުޑަކުދިން ބައިވެރިކުރާނަމަ މިކަމުން އެކުދިންނަށް ދަސްވާ ކަންކަން ގިނައެވެ. އެގޮން މި އާޓިކަލްގައި މި ބަލާލަނީ ބަދިގޭގެ މާހައުލުން ކުދިންނަށް ދަސްވާ ބައެއް ކަންކަމަށެވެ.

ބަދިގޭގެ މާހައުލުގައި ތަކެއްޗަށް ދެވިފައިވާ ނަންނަން ކުދިންނަށް ކިޔައިދޭނަމަ ކުއްޖާއަށް އެނގޭ ބަސްބަސް އިތުރުވެގެންދާނެއެވެ. އަދި ކާނާ ތައްޔާރުކުރާނޭ ގޮތް ކުއްޖާއަށް ތަރުތީބުން ކިޔައިދޭނަމަ، ކުރާ ކަންތައްތައް އަނެކުންނަށް ކިޔައިދޭން ފަސޭހަވެ، ދިގު ޖުމުލައިން މުއާމަލާތް ކުރަން ކުއްޖާއަށް ދަސްވާނެއެވެ.

advertisement

ކެއްކުމަކީ މިނެކިރުމުގެ ބައި ވަރަށް ބޮޑަށް އެކުލެވޭ ކަމެކެވެ. ކޮންމެ އެއްޗެއް ތައްޔާރުކުރާނަމަވެސް ބޭނުންވާ ތަކެތި އެއްކުރަމުން ދާނީ ކަނޑައެޅިފައިވާ މިންގަނޑަކަށެވެ. މިކަންކަން ކުއްޖާއަށް ތަޖުރިބާކުރުމުގެ ފުރުސަތު ދީފިނަމަ ހިސާބު އިލްމަށް ޝައުގު އުފެދޭ ކަމަށްވެއެވެ.

ކެއްކުމުގެ މައިދާނުގައި ކުއްޖާ ބައިވެރިކޮށްފިނަމަ ކަންކަމަށް ސަމާލުކަންދިނުމަށާއި ކަންކަން ދަސްކުރަން ފަސޭހަވެގެން ދެއެވެ. މިކަމުގެ ސަބަބުން ކިޔެވުމަށް ޝައުގުވެރިކަން އުފެދި، ކުލާހުގައި ކިޔެވުމަށް ސަމާލުކަންދިނުމަށް ކުއްޖާއަށް ފަސޭހަވެގެން ދެއެވެ.