މަސްތުވާތަކެއްޗަށް ދެވި ހިފުން އަންހެނުންނާއި ފިރިހެނުން ތަފާތު

މަސްތުވާތަކެތި ބޭނުންކުރުމަކީ މީހާއަށް އޭގެ ސަބަބުން ގިނަ މައްސަލަތަކެއް ދިމާވާ ކަމެކެވެ. މަސްތުވާތަކެތި ބޭނުންކުރާ އަންހެނުންނާއި ފިރެހެނުންނަށް ދިމާވާ މައްސަލަތައް ތަފާތެވެ. ހޯދުންތަކުން މިކަން ހާމަވެސްވެއެވެ.

މަސްތުވާތަކެތި ބޭނުންކުރާ އަންހެނުންނަށް ދިމާވާ ބައެއް މައްސަލަތަކުގެ ތެރޭގައި ހޯމޯނަލް މައްސަލަތައް ދިމާވުމާއި، ފާޓިލިޓީގެ މައްސަލަތަކާއި، ބަނޑުބޮޑުވުމަށް އުނދަގޫތައް ދިމާވުމާއި، ގާތުން ދިނުމުގެ މައްސަލަތައް ހިމެނެއެވެ.

advertisement

ދިރާސާތަކުން ދައްކާގޮތުން 19.5 މިލިއަން އަންހެނުން ނުވަތަ 15.4 އިންސައްތަ އަންހެނުން މަސްތުވާތަކެތި ބޭނުންކުރެއެވެ. އަންހެނުންނާއި ފިރެހެނުން މަސްތުވާތަކެއްޗަށް ދެވިހިފުންވެސް ތަފާތެވެ. ފިރެހެނުންނަށްވުރެ އަންހެނުން މަސްތުވާތަކެއްޗަށް ދެވިހިފާލެއް އަވަހެވެ. އެއީ ބޭނުންކުރާ މިންވަރު މަދުވި ނަމަވެސްއެވެ.

ފިރެހެނުންނަށްވުރެ އަންހެނުން ފަރުވާ ހޯދުމަށްފަހު އެކަމުން ސަލާމަތްވާލެއްވެސް އަވަހެވެ. އަދި މަސްތުވާތަކެތި ބޭނުންކުރާ އަންހެނުންނަށް  ހިތުގެ ބަލިތައް ޖެހުމާއި، ލޭދައުރުކުރުމުގައި މައްސަލަތައް ދިމާވުން ފިރެހެނުންނަށްވުރެ ގާތެވެ. މީގެއިތުރުން ސިކުނޑިއަށް ލިބޭ ގެއްލުންތައްވެސް މަސްތުވާތަކެތި ބޭނުންކުރާ އަންހެނުންގެ އިތުރެވެ.

މާބަނޑު އިރުގައި މަސްތުވާތަކެތި ބޭނުންކުރާނަމަ އޭގެ އަސަރު ބަނޑުގައި އޮންނަ ދަރިފުޅަށާއި އަދި އަމިއްލަ މީހާއަށްވެސް ލިބެއެވެ. އެގޮތުން މާބަނޑު އިރުގައި މަސްތުވާތަކެތި ބޭނުންކުރާނަމަ ކުއްޖާ އުފަންވާތާ 14 ދުވަހުގެ ތެރޭގައި ފެނިދާނެ ބައެއް އަލާމާތްތަކުގެ ތެރޭގައި ބޭރަށް ހިންގުމާއި، މާގިނައިން ރުއިމާއި، ހުންއައުމާއި، ހިތުގެ ތެޅުން އަވަސްވުމާއި، ގާތުން ނުބުއިމާއި، ނިދަން އުނދަގޫވުމާއި، ބަރުދަން އިތުރު ނުވުމާއި، ހޮޑުލުން ހިމެނެއެވެ.