އަމިއްލަ ނަފްސަށް އޯގާވާން ދަސްކުރޭ

އަމިއްލަ ނަފްސަށް އޯގާތެރިވުމަކީ ވަރަށް މުހިންމު ކަމެކެވެ. ނަމަވެސް މިއީ އާންމުކޮށް އަހަރެމެންނަށް ކުރަން އުނދަގޫ ނުވަތަ އަޅާނުލެވި ދޫކޮށްލެވިފައިވާ ކަންކަމެވެ. ނަމަވެސް އަމިއްލަ ނަފްސަށް އޯގާތެރިވުމަކީ ތިމާ ކަންކަމާއިމެދު ވިސްނާ ގޮތާއި އެހެންމީހުންނާއި ދޭތެރޭ ކަންތައްތައް ކުރާ ގޮތައްވެސް ބޮޑު ބަދަލެއް ގެނުވާނެކަމެކެވެ. މި ހިމަނާލަނީ އަމިއްލަ ނަފްސަށް އޯގާތެރިވުމަށް ކުރެވިދާނެ ބައެއް ކަންކަމަށެވެ.

އަމިއްލަ ނަފްސަށް މާފްކުރުން

advertisement

ކަމެއް ދިމާވާ ހިނދު އެއީ ތިމާގެ މިސްޓޭކްއޭ ހީވާފަހަރު އާދެއެވެ. އަދި އެކަމަށް އަމިއްލަ ނަފްސް ކުށްވެރިކޮށް އެކަމުން އަރައިނުގަނެވި އުޅޭ ފަހަރުވެސް އާދެއެވެ. އެހެންނަމަވެސް ނަފްސަށް އޯގާތެރިވުމަށްޓަކައި އަމިއްލަ ނަފްސް ކުށްވެރިކުރުން ހުއްޓާލާ ނަފްސަށް މައާފްކޮށް ދިރިއުޅުމައިގެން ކުރިއަށްދިއުމަކީ ވަރަށް މުހިންމު ކަމެކެވެ. އަދި ތިމާއަކީ ބޭނުންތެރި ނޫންމީހެއްކަމުގެ އިހްސާސްވެސް ކުރެވެއެވެ. ނަމަވެސް ތިމާއަކީ ބޭނުންހުރި މީހެއްކަމަށް ގަބޫލުކުރާށެވެ.

ގޯލްއެއް ކަނޑައެޅުން

ތިމާހާސިލްކުރަން ބޭނުންވާ ވަކި ކަމެއް ކަނޑައަޅާށެވެ. އަދި އެކަމަށްޓަކައި ގަދައަޅާ މަސައްކަތްކުރާށެވެ. އަދި އުނދަގޫތަކާއި ކުރިމަތިވި ނަމަވެސް ގިވްއަޕް ނުކޮށް އެކަމެއް ހާސިލްކުރުމަށް ގަދައަޅާ މަސައްކަތްކުރާށެވެ.

ކަންކަމާއިމެދު ޝުކުރުވެރިވުން

ތިމާއަށް ލިބިފައިނެތް ކަމަކާއިމެދު ދެރަވުމުގެ ބަދަލުގައި ހާސިލްވެފައިވާ ނުވަތަ ތިމާއަށް ލިބިފައިވާ ކަންކަމާއިމެދު ޝުކުރުވެރިވުން ގިނަކުރާށެވެ. މިއީ އަމިއްލަ ނަފްސަށް އޯގާތެރިވުމަށް ކުރެވޭނެ ވަރަށް މުހިންމު ކަމެކެވެ.

ކަންކަމާއިމެދު ޕޮޒިޓިވްކޮށް ވިސްނުން

ކަމެއް ދިމާވުމުން އެކަމަކާއިމެދު ޕޮޒިޓިވްކޮށް ވިސްނަން ދަސްކުރުމަކީ އަމިއްލަ ނަފްސަށް އޯގާތެރިވުމަށް ކުރެވިދާނެކަމެކެވެ. އެގޮތުން ކަމެއް ދިމާވުމުން އެކަމަށް ބްލޭމް ނުކޮށް އެއީ ފިލާވަޅެއްގެ ގޮތުގައި ބަލާށެވެ.