ގްރީންޓީ އިން ސިއްހަތަށް ގިނަ ފައިދާތަކެއް ލިބޭ

ގްރީންޓީ އަކީ މިހާރު ވަރަށް ގިނަ މީހުން ބޮއެއުޅޭ އެއްޗެކެވެ. ނަމަވެސް އަދިވެސް ބައެއް މީހުންނަށް ގްރީންޓީ ބުއިމަކީ އުނދަގޫ ކަމެކެވެ. އަދި ހާއްސަކޮށް، ކުޑައިރުއްސުރެ ގްރީން ޓީ ނުބޯނަމަ މި ބުއިން ވަނީ ގިނަ މީހުންނަށް ވަރަށް ނުބައި އެއްޗަކަށެވެ. ދިރާސާތަކުން ދައްކާގޮތުގައި ގްރީންޓީ ބުއިމަކީ ސިއްހަތައް ވަރަށް ފައިދާ ކުރާ ކަމެކެވެ. ގްރީންޓީ ބުއިމުން ތަފާތު ގިނަ ބަލިތަކުން ތިމާގެ ހަށިގަނޑު ސަލާމަތްކޮށްދެއެވެ.

ގްރީން ޓީ އަކީ ހިތުގެ ބަލިތަކަށް ވެސް ޝިފާއެއް ކަމަށް ދިރާސާތަކުން ދައްކައެވެ. މި ޓީ ބޯ ނަމަ ހިތައް ދިމާވާ މައްސަލަ ތަކާއި ސްޓްރޯކް ޖެހުން ފަދަ ކަން ކަމުން ދުރުކޮށްދޭ އިރު ކޮލެސްޓްރޯލް މަތި ވުމުން ވެސް ދުރުކޮށްދެއެވެ.

advertisement

މީގެ އިތުރުން ބަރުދަން ލުއި ކުރުމަށް ވެސް ގްރީން ޓީ އެހީތެރިވެދެއެވެ. އަދި ހަށިގަނޑުން ސަރުބީ ވިރުވަން ބޭނުން ނަމަ ވެސް މި ޓީ ބޮވިދާނެ ކަމަށް ސިއްހީ މާހިރުން ވިދާޅުވެއެވެ.

ކެންސަރު ފަދަ ބަލިތަކަށް ވެސް ހުރި ޝިފާ އަކަށް ގްރީން ޓީ ވާކަމަށް ވެއެވެ. ބްރެސްޓް ކެންސަރާއި ޕްރޮސްޓޭޓް ކެންސަރު ފަދަ ބަލިތަކުން ސަލާމަތްވާން ބޭނުން ނަމަ ގްރީން ޓީ ބޭނުން ކުރަން ފަށާށެވެ.

ގްރީން ޓީ އަކީ ހަކުރު ބައްޔަށްވެސް ރަނގަޅު އެއްޗެއްކަމަށް ދިރާސާތަކުން ދައްކައެވެ. ސަބަބަކީ ލޭގައި ހުންނަ ހަކުރު މަދުކޮށްދިނުމަށް ގްރީން ޓީ އެހީތެރިވެދެއެވެ.

ގްރީންޓީން ސިއްހީ ގިނަ ފައިދާތަކެއް ލިބުނު ނަމަވެސް މި ސައި ހެނދުނު ހޭލާ ގޮތަށް ހުސް ގޮހޮރާއި ހުރެ ބޭނުން ނުކުރުމަށާއި ކާ ގޮތަށް ބޭނުން ނުކުރުމަށް ސިއްހީ މާހިރުން ލަފާދެއެވެ.