މޫޑް ރަނގަޅު ކުރުމަށް ހެނދުނުގެ އަވި ހަށިގަނޑަށް ވަރަށް މުހިއްމު އެއްޗެއް

ހެނދުނު ހެނދުނާ ހޭލުމަކީ ބައެއް މީހުންނަށް ވަރަށް އުނދަގޫ ކަމެކެވެ. ނަމަވެސް ހެނދު ހޭލުމަކީ އޭގެ ސަބަބުން މީހާގެ ސިއްހަތައްވެސް އަދި މުޅި ދުވަސް އުޖާލާ ވުމަށްވެސް ވަރަށް ބޮޑު ބާރެކެވެ. ހެނދުގެ ވަގުތުގައި ލިބޭ އަވީގެ ސަބަބުން ހަށިގަނޑަށް ގިނަ ފައިދާތަކެއް ލިބެއެވެ.

އިރުގެ އަވިން އަދި އޮއްސޭއިރާއެކު ފެތުރިގަންނަ އަނދިރިކަމުން ސިކުނޑިން ހޯމޯންސްތަކެއް ރިލީޒްކުރެ އެވެ. މި ހޯމޯންގެ ސަބަބުން މޫޑު ރަނގަޅުކޮށް ދީ, މީހާ އަށް ހަމަޖެހުން ގެނުވައި އަދި ސަމާލުކަން އިތުރުކޮށްދެ އެވެ.

advertisement

ހަށިގަނޑަށް ބޭނުންވާ ވަރަށް އިރުގެ އަވި ނުލިބޭނަމަ ސެރޮޓޮނިންގެ މިންވަރު ދަށްވެ, ޑިޕްރެޝަން އަށް މީހާ ހުށަހެޅުމުގެ ބިރު އޮވެ އެވެ. ހަމައެޔާއެކު މޫސުން ބަދަލުވުމުން ދިމާވާ ނަފްސާނީ ހާލަތު ނުވަތަ ސީޒަނަލް އެފެކްޓިވް ޑިސްއޯޑާ (އެސްއޭޑީ)އަށް މީހާ ހުށަހެޅުމުގެ ފުރުސަތު ވެސް އޮންނަ ކަމަށް ސައިންސްވެރިން ބުނެ އެވެ. އަވީގައި ޖެހުމުން މާބަނޑު ދުވަސްވަރު ދިމާވާ ހާއްސްވުމާއި ކަންބޮޑުވުން ތަކުން ވެސް ދުރުކޮށް ދޭން އެހީއަކަށްވެ އެވެ.

އަވިން ލިބޭ އެންމެ ބޮޑު ފައިދާ އަކީ އެއްވެސް އަގަކާ ނުލާ ހަށިގަނޑަށް ލިއްބައިދޭ ވިޓަމިން ޑީ އެވެ. ހަށިގަނޑަށް ބޭނުންވާ މިންވަރަށް އަދި ރައްކާތެރިގޮތުގައި އަވީގައި ޖެހުމަށްޓަކައި އެންމެ ރަނގަޅީ ގާތްގަނޑަކަށް 5-15 މިނިޓާ ދެމެދުގެ ވަގުތުކޮޅެކެވެ. ހަފްތާގެ ތިން ދުވަހު މިގޮތަށް އަވީގައި ޖެހުމުން ހަށިގަނޑަށް ފުދޭ މިންވަރަށް ވިޓަމިން ޑީ ލިބޭނެ އެވެ.

ވިޓަމިން ޑީއަކީ ކަށިތައް ވަރުގަދަ ކޮށްދިނުމުގައިވެސް މުހިންމު ދައުރެއް އަދާކޮށްދޭ މާއްދާ އެކެވެ. އެ މާއްދާ އެދެވޭ މިންވަރަށް ލިބޭނަމަ ހަށިގަނޑުގައި ކެލްސިއަމް ދައުރުވުމަށް އެހީވެދީ، ކަށި ވަރުގަދަ ކޮށްދީ އަދި ނޭވާލުމުގެ ނިޒާމަށް ވެސް އެތައް ފައިދާއެއް ލިއްބައިދެ އެވެ.