ތިހުރީ “ވޯކަހޮލިކް” ވެފައިކަން އިނގޭނީ ކިހިނެތް؟

އޮފީހުގެ މަސައްކަތައިގެން ސަލާމަތްނުވެވިގެން އުޅޭ މީހުން އުޅެއެވެ. ދިރިއުޅުމުގެ އެހެން ކަމަކަށް ވަގުތު ނުދެވޭ ފަހަރު އާދެއެވެ. ރަހުމަތްތެރިންނާއި އާއިލާއަކީވެސް ތިބޭ ބައެއްކަން ނޭންގެއެވެ. މިފަދަ މީހުން އުޅެނީ އޮފީހުގައިވެސް އޮފީސް އަދި ގޭގައިވެސް އޮފީސް މަސައްކަތައިގެން ސަލާމަތްނުވެވިގެންނެވެ.

ބައެއް ފަހަރު “ވޯކަހޮލިކް” މީހުން ދިރިއުޅުމުގެ ކަންކަމާއި ފިލަންވެސް އޮފީހުގައި މާބޮޑަށް ބިޒީވެގެން އުޅެއެވެ. އޮފީހުގެ މަސައްކަތުން ސަލާމަތް ނުވެވިގެން އުޅޭ މީހުންގެ ގުޅުންތަކާއި،  ފިޒިކަލް އަދި މެންޓަލް ހެލްތަށް އަސަރުކުރެއެވެ.

advertisement

ތިމާގެ މަސައްކަތުގެ މާހައުލުގައި ބިޒީވެ އެހެން މީހުންނަށް ވަގުތު ނުދެވުމަކީ ތިމާ “ވޯކަހޮލިކް” ވެފައިވާކަމުގެ ހެއްކެކެވެ. އޭގެތެރޭގައި:

• އޮފީސް މަސައްކަތްތައް ގެއަށް ގެންދިއުން
• އޮފީހުގައި މާލަސްވަންދެން މަސައްކަތްކުރުން
• ގޭގައި އުޅޭ ވަގުތުގައިވެސް އޮފީހުގެ މެސެޖެއް ނުވަތަ މެއިލްއެއް އާދޭތޯ ޗެކްކުރުން

ދިރާސާތަކުން ދައްކާގޮތުން ފިރެހެނުންނަށްވުރެ ބޮޑަށް އަންހެނުންނަށް މި މައްސަލަ ދިމާވެއެވެ. އަދި މަސައްކަތުގެ މާހައުލުގައި މާގިނައިރު އުޅެންޖެހުމުގެ ސަބަބުން އަންހެނުންގެ ސިއްހަތައް މީގެ ނޭދެވޭ އަސަރުކުރާކަމަށްވެސް ދައްކައެވެ.

ދިރާސާތަކުން ދައްކާގޮތުން ހަފްތާއެއްގެ ތެރޭގައި ގިނަވެގެން 45 ގަޑިއިރު މަސައްކަތުގައި އުޅޭ އަންހެނުންނަށް ހަކުރު ބަލި ޖެހުމުގެ ފުރުސަތު ބޮޑެވެ. ނަމަވެސް ހަފްތާއަކު 40 ގަޑިއިރަށްވުރެ މަދުން މަސައްކަތުގެ މާހައުލުގައި އުޅޭ އަންހެނުންނަށް ހަކުރު ބަލި ޖެހުމުގެ ފުރުސަތު ކުޑައެވެ.