ކުޑަކުދިން “ފެޓް ޝޭމް” ކުރުން ރާއްޖޭގައި ނޯމަލް

އަހަރެމެންގެ ބޭނުންވަނީ އަހަރެމެންގެ ދަރިން ބޮޑުވެގެންއަންނަ އިރު އެކުދިންނަކީ އެކުދިންގެ ހަށިގަނޑާއިމެދު ކޮންފިޑެންޓް ބަޔަކަށް ވާށެވެ. ކޮންމެ ގޮތަކަށް ކޮންމެ ސައިޒަކަށް ހަށިގަނޑު ހުރިނަމަވެސް އެއީ އެންމެ ރަނގަޅު ގޮތްކަމަށް އަހަރެމެން އެކުދިންނަށް ބުނެދެމެވެ. ނަމަވެސް އެކުދިންގެ ކުރިމަތީގައި ބައެއް ފަހަރު ބެލެނިވެރިންނަށް ކުރެވޭ ކަންކަމުގެ ސަބަބުން ކުދިންގެ ހަށިގަނޑާއިމެދު އޮންނަ ކޮންފިޑެންސްއާއި ދެކޭދެކުން ބަދަލުވެއެވެ. ކުދިންގެ ކުރިމަތީގައި ބެލެނިވެރިން އެހެން މީހުންގެ ހަށިގަނޑު ހުންނަ ގޮތައް ބަސްބުނެ ޑައިޓް ޕްލޭންތަކާއި ގުޅޭގޮތުން ވާހަކަދެކެވެއެވެ.

“މި ކުއްޖާ ހާދަ ފަލަ އޭ، ކޯއްޗެއްތަ ކާން ދެނީ؟” ” ނުވަތަ “މި ކުއްޖާ ހާދަ ހިއްކޭ، ކާން ނުދެނީތަ” އޭ ބުނުމަކީ ރާއްޖޭގައި އާންމު ކަމެކެވެ.

advertisement

މިފަދަ ކަންކަމުގެ ސަބަބުން ކުއްޖާ މުޖްތަމައުއަށް ކުރިމަތިލާއިރު އެކުދިންނަށް ބޮޑެތި ބަދަލުތަކެއް އާދެއެވެ. އެގޮތުން ޓީވީ އިޝްތިހާރުތަކުގައި ޑައިޓް ޕްލޭންތައް ދައްކައެވެ. ޕާކުތަކާއި ކުދިން އެއްވެ އުޅޭ އެހެންތަންތަނުގައި ކުދިން ހުންނަ ސައިޒަށް މަލާމާތްކޮށް ބައެއް ފަހަރު ބަސްބުނެ އުޅެއެވެ. އަދި އާއިލާއާއި އެހެންމީހުންގެ ފަރާތުން ކުދިން ކެއުމުގެ ވައްޓަފާޅިއަށް ފާޑުކިޔާ އުޅެއެވެ.

މިހުރިހައި ކަމަކާއިހުރެ ކުއްޖާގެ ހަށިގަނޑާއިމެދު ކޮންފިޑެންސްވުމަށް ބެލެނިވެރިޔާ ކިޔާދިން ނަމަވެސް ކުއްޖާއަށް ގިނަ ބަދަލުތަކެއް އާދެއެވެ. ހުރިހައި ފަހަރަކު މި ވާހަކަތައް ކުދިން ބެލެނިވެރިންނާއި ހިއްސާ ނުކުރިނަމަވެސް އުޅުމަށް ބަދަލު އާދެއެވެ. އެގޮތުން އުމުރުން އެންމެ 6 އަހަރުގެ ކުއްޖަކު ބެލެނިވެރިޔާ ކައިރީގައި ކުއްޖާ ފަލަތޯ އަހައިފާނެއެވެ. އަދި 12 އަހަރުގެ ކުއްޖާ ޑައިޓްކުރަން ފަށާފާނެއެވެ. އަދި 16 އަހަރުގެ ދަރިފުޅު ކެއުމަށް އުނދަގޫތަކެއް ދިމާވެދާނެއެވެ.

މުޖްތަމައުގެ ތެރޭގައި ފަލަ މީހުންނާއި ކުދިންނަށް ކުރާ ބްލީވެސް ގިނައެވެ. އެގޮތުން ފިރެހެނަކު އިންނަށް އަންހެންކުއްޖަކު ހޯދާއިރުވެސް ހިމަ އަންހެން ކުދިންނަށް ބަލާފަހަރު އާދެއެވެ. އަދި ޑޭޓް ކުރަން ބޭނުންނަމަ ހަށިގަނޑަށް ބަދަލު ގެންނަން ޖެހޭކަމަށް ބުނެއުޅެއެވެ. އަދި ބައެއްފަހަރު ކާމިޔާބު މީހަކަށް ވާންވެސް ހަށިގަނޑަށް ބަދަލު ގެންނަން ޖެހޭކަމަށް މުޖްތަމައުގައި ގަބޫލުކުރެއެވެ.

މިއީ މިއަދު އަހަރެމެން ވިސްނާލަން ޖެހޭކަމެކެވެ. މީހަކާއި ދިމާވާ ކޮންމެ ފަހަރަކު ހާލު ކިހިނެތްތޯ އަހާލުމުގެ ބަދަލުގައި އެމީހާގެ ސައިޒްއަށް ކޮމެންޓް ކުރެވޭ ފަހަރު އާދެއެވެ. ހާދަ ފަލައޭ، ނުވަތަ ހާދަ ހިތްކޭ ބުނެވެއެވެ. މިއާދަ އަކީ ބަދަލުކުރަންޖެހޭ އާދައެކެވެ. މީހުންގެ ސައިޒްއަށް ފާޑުކިޔާ މަލާމާތް ނުކުރާށެވެ.